प्रधानमन्त्री कप महिला भलिबलकाे उपाधि पुलिसलाई

फागुन २२, २०७६ बिहीबार ७:५७:१८ | गोविन्द शर्मा

बाँके – नेपाल पुलिस क्लबले नेपालगञ्जमा बुधबार सम्पन्न प्रधानमन्त्री कप अन्तर्राष्ट्रिय आमन्त्रण महिला भलिबलको छैटौँ संस्करणको उपाधि जितेकाे छ ।

नेपालगन्ज रङ्गशालाको कभर्डहलमा बुधबार सम्पन्न पाइलन खेलमा सशस्त्र प्रहरीको एपीएफलाई २५–१६,२५–२७ र २५–१८ को सोझो सेटमा पराजित गर्दै पुलिसले उपाधि जितेको हो ।

बुधबार नै भएको खेलमा नेपाली सेनाको त्रिभुवन आर्मी क्लबले न्यु डायमण्ड क्लबलाई २५–२१,२५–२० र २५–२० को सेटमा पराजित गर्दै तेस्राे भएकाे छ ।

उपाधिसँगै पुलिसले दुई लाख रुपैयाँ, उपविजेता एपीएफले एक लाख रुपैयाँ र तृतीय भएकाे नेपाली सेनाले ५० हजार रुपैयाँ प्राप्त गरेको छ ।

प्रतियोगिताको उत्कृष्ट खेलाडीमा नेपाल प्रहरीकी उषा भण्डारी घोषित भइन् । त्यस्तै उत्कृष्ट ब्लकरमा सेनाका सङ्गम महतो, उत्कृष्ट सेटरमा प्रहरीकी कमला पुन, उत्कृष्ट सर्भरमा प्रहरीकै मनिषा चौधरी, उत्कृष्ट लिबरोमा न्यु डायमण्डकी सलिना श्रेष्ठ, उत्कृष्ट प्रशिक्षकमा प्रहरीका रुपेश विष्ट, र उत्कृष्ट स्पाइकरमा एपीएफकी निरुता ठगुन्ना र पुलिस क्लबका रुपेश विष्ट उत्कृष्ट प्रशिक्षक घोषित भए ।

विजयी समूह तथा खेलाडीहरुलाई राष्ट्रिय खेलकुद परिषद्का सदस्य सचिव रमेश सिलवाल, प्रदेश सभा सदस्य कृष्णा केसी (नमुना), नेपालगञ्ज उपमहानगरपालिकाका प्रमुख डा. धवल शमशेर राणा लगायतले पुरस्कार, प्रमाणपत्र, पदक तथा ट्रफी प्रदान प्रदान गर्नुभयो ।

बाँके जिल्ला भलिबल सङ्घको आयोजनामा भएको खेलमा पुलिस क्लब, एपीएफ, त्रिभुवन आर्मी, न्यु डायमण्ड र प्रदेश ५ सहभागी थिए ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

गोविन्द शर्मा

गोविन्द शर्मा बाँकेका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्