मनासलु पुगेका पर्यटक प्रशासनको समन्वयमा काठमाण्डौ फिर्ता

चैत १२, २०७६ बुधबार १८:२४:५५ | किरण लोहनी

गोरखा - लकडाउनका कारण मनासलु पदमार्गका विभिन्न ठाऊँमा रोकिएका विदेशी पर्यटक र तिनका नेपाली सहयोगीलाई काठमाण्डौ फर्काउन थालिएको छ ।

लकडाउनको निर्णय हुनुअघि नै पदयात्रामा आएका उनीहरुलाई प्रशासन कार्यालयको समन्वयमा फिर्ता पठाउन थालिएको हो । लकडाउनको निर्णय भएपछि यात्रामा रहेकाहरु फर्कने क्रम बढेको प्रमुख जिल्ला अधिकारी सुरेन्द्र पौडेलले बताउनुभयो ।

धार्चे गाउँपालिकाको सोतीबजारसम्म पैदल आएकाहरुलाई त्यहाँबाट गाडीको पास उपलब्ध गराएर फिर्ता पठाउन थालिएको उहाँको भनाइ छ । लकडाउनपछि मनासलु पदयात्रामा रहेका ५ जना विदेशी पर्यटकलाई काठमाण्डौ पठाइएको पौडेलले जानकारी दिनुभयो ।

बुधबारमात्रै १२ जना पर्यटक प्रशासनको समन्वयमा काठमाण्डौ फर्किएका छन् । ‘चैत २ गतेबाटै मनासलु पदयात्रा प्रवेशमा रोक लगाइएको थियो, तर यात्राकै क्रममा रहेकाहरुलाई भने फिर्ता पठाउन थालेका छौं’, प्रजिअ पौडेलले भन्नुभयो, ‘कति विदेशी पर्यटक र तिनका सहयोगी मनासलु क्षेत्रमा थिए भन्ने यकिन तथ्यांक पाइसकेका छैनौं, तर जो जो हुनुहुन्छ, उहाँहरु फर्कनु हुनेछ ।’

मनासलु संरक्षण क्षेत्र आयोजना एमक्यापका अनुसार मार्च १५ अर्थात चैत २ गतेसम्ममा ६८ जना विदेशी पर्यटकले मनासलु क्षेत्र भ्रमणका लागि अनुमति लिएका थिए । चैत २ गतेबाटै मनासलु क्षेत्रमा नयाँ पर्यटक प्रवेशमा रोक लगाइएको थियो ।

उनीहरुमध्ये यात्रामा रहेकाहरुलाई चुमनुब्री गाउँपालिकाको जगतमा रहेको चेकपोष्टबाटै फर्काउने गरिएको एमक्याप प्रमुख नरेन्द्र लामाले बताउनुभयो ।

अन्तिम अपडेट: मंसिर २४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

किरण लोहनी

उज्यालोका गोरखा सम्वाददाता किरण लोहनी गोरखाको च्वाइस एफएममा पनि काम गर्नुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्