लकडाउन उल्लंघन गर्ने २ सय ३५ गाडी ट्राफिक प्रहरीको नियन्त्रणमा

चैत १३, २०७६ बिहीबार १९:४३:११ | उज्यालो सहकर्मी

काठमाण्डौ - लकडाउन उल्लंघन गर्ने २ सय ३५ गाडीलाई काठमाडौं उपत्यकाका विभिन्न ठाउँबाट ट्राफिक प्रहरीले नियन्त्रणमा लिएको छ ।

बिहीबार दिउँसो ३ बजेसम्म २३ वटा चारपांग्रे र २ सय १२ वटा दुई पांग्रे गाडीहरु नियन्त्रणमा लिएको महानगरीय ट्राफिक प्रहरी महाशाखा प्रमुख प्रहरी वरिष्ठ उपरिक्षक भिम ढकालले जानकारी दिनुभयो

कोरोना भाइरसको संक्रमण रोकथामका लागि सरकारले ‘लकडाउन’ घोषणा गरेको तेस्रो दिन लकडाउन उल्लंघन गर्ने सवारीसाधनलाई ट्राफिक प्रहरीले नियन्त्रणमा लिएको हो ।

यसबाहेक तुलनात्मक रुपमा बिहीबार काठमाण्डौ उपत्यका सुनसान देखिएको छ । अत्यावश्यक कामबाहेक नागरिकलाई घरबाट बाहिर निस्कन रोक लगाइएपछि ‘लकडाउन’को तेस्रो दिन आज काठमाण्डौ उपत्यका निकै सुनसान देखिएको हो ।

एम्बुलेन्स, सुरक्षाकर्मी, सञ्चारमाध्यमलगायत अतिआवश्यक सेवाका सवारीमात्र सडकमा गुडेका छन् । प्रहरीले उपत्यकाका ३२ ठाउँमा टोलटोलमा गएर माइकिङ गरि लकडाउनमा सरकारको निर्देशनलाई पालना गर्न आग्रह गरिरहेको छ ।

विश्वव्यापी रुपमा कोरोना भइरसको महामारी बढ्दै गएपछि सरकारले यही चैत ११ गतेदेखि लागू हुनेगरी लकडाउनको घोषणा गरेको थियो । सरकारले संक्रामक रोग ऐन, २०२० अनुसार लकडाउनको व्यवस्था कार्यान्वयनमा ल्याएको हो ।

लकडाउनमा अत्यावश्यकीय पसलबाहेक अरु सबै बन्द छन् । सरकारले दूध, पानी, खाद्यान्न, तरकारी लगायतका अत्यावश्यकीय खाद्यान्न पसल खुल्ला गर्न व्यवसायीलाई आग्रह समेत गरेको छ ।

अन्तिम अपडेट: कात्तिक २७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्