यूएईको इमिरेट्स ट्याक्सी क्याब कम्पनीमा ३० जना नेपाली समस्यामा

चैत १३, २०७६ बिहीबार १९:३२:६ | उमाकान्त पाण्डे

यूएई – यूएईको सारजाहमा रहेको इमिरेट्स ट्याक्सी क्याब कम्पनीमा ३० जना नेपाली समस्यामा परेका छन् । ट्याक्सी कम्पनीमा चालकको रुपमा झण्डै एक वर्ष पहिले अएका उनीहरु काम र सेवा सुविधा नपाएपछि समस्या परेका हुन् ।

सवारी चालकको अनुमति पाएपछि आफैंले कोठा लिएर बसेको भए पनि एक महिनादेखि काम पनि नपाएको र पाउनुपर्ने सेवासुविधा नपाएपछि समस्यमा परको पीडित श्रमिकले बताएका छन् ।

समस्यामा पर्नेमा रौतहटका राजबहादुर तामाङ, मोरङका गोपाल खड्का, बर्दियाका मानबहादुर थापा, नुवाकोटका सूर्यबहादुर तामाङ, ताप्लेजुङका सुनिल कार्की, नुवाकोटका बुद्धिबहादुर तामाङ रहेका छन् ।

यस्तै मकवानपुरका पुरुषोत्तम थापा, काभ्रेका तिलक मोक्तान, उमेश सुनुवार, जयसिङ लामा तामाङ र रामचन्द्र दुनार, नवलपरासीका किस्मतनाथ कुँवर, रुपन्देहीका गोविन्द थारु चौधरी र दीपेन्द्र यादव, झापाका नैनाबहादुर बोहोरा र विकास भट्टराई, उदयपुरका निश्चल अधिकारी, नवलपरासीका इन्दुबहादुर महतो र दिपक घिमिरे क्षेत्री, खोटाङका वीरकुमार राई, तनहुँका राजकुमार नेपाली र धनुषाका डम्मरबहादुर मगर समस्यामा परेका हुन् ।

गोरखाका मोहम्मद कलिम मिया, काठमाण्डौका राजेन्द्र खड्का, चितवनका नेत्रराज सिम्खडा र नवराज गुरुङ, गुल्मीका नारायण भण्डारी, ओखलढुङाका भविराज सुनार, इलामका रमेश बुढाथोकी र रामेछापका सागर बस्नेत एक महिनादेखि समस्यामा परेका छन् ।

नेपालबाट ओशो तथा फ्युचर म्यानपावरमार्फत १ लाख ५० हजारदेखि ३ लाख ३५ हजार रुपैयाँसम्म तिरेर यूएई आएका उनीहरु धेरैले गरेको कामको पैसा समेत नपाएको बताएका छन् । यूएईमा रहेको नेपाली दूतावासमा निवेदन दिए पनि उद्दार गर्न ढिलाई भएको उनीहरुको गुनासो छ ।

श्रमिक समस्यामा परेकोबारे जानकारी पाएपछि श्रम सहचारी मोतिराम भुसाल र त्योभन्दा पहिले श्रम काउन्सिलर निर्मला थापालाई उनीहरु बसेको क्याम्पमै पठाएर अवस्थाबारे जानकारी लिएको दूतावासले जनाएको छ ।

म्यानपावर कम्पनी र यहाँको रोजगारदाता कम्पनी दुबैले समस्यामा परेका उनीहरुको समस्याबारे संवेदनशील भएर सम्बोधन नगरेको दूतावासको भनाइ छ । श्रमिकको समस्या समाधान नहुँदै कोरोना भाइरसको सङक्रमणको प्रभावले हवाइ उडान बन्द हुँदा कसैलाई पनि नेपाल पठाउन सकिएको छैन ।

अहिले बस्दै आएको कोठा भोलि शुक्रबारदेखि खाली गर्नुपर्ने भनेपछि उनीहरु थप समस्यामा परेका छन् । पटक पटक संघसस्था तथा दूतावासमा उद्दारका लागि निवेदन दिँदा पनि उद्दार नभएको भन्दै सामाजिक सञ्जालहरुमा फोटो भिडियो सार्वजनिक गर्दै सहयोगका लागि उनीहरुले अनुरोध गर्न थालेका छन् ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

उमाकान्त पाण्डे

उज्यालाे सहकर्मी उमाकान्त पाण्डे युएईमा बसेर पत्रकारिता गर्नुहुन्छ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्