हेटौंडामा दुई दिनमा आइसोलेशन तयार हुने

चैत १४, २०७६ शुक्रबार १४:५७:३ | उज्यालो सहकर्मी

मकवानपुर - हेटौंडा उपमहानगरपालिका वडा नम्बर–४ कर्रामा रहेको श्रमिक माध्यमिक विद्यालयमा आइसोलेसन निर्माण गर्नका लागि धमाधम काम भइरहेको छ ।

वाग्मती प्रदेश सरकारको सामाजिक विकास मन्त्रालय र हेटौंडा उपमहानगरपालिकाको सहकार्यमा दुई दिनमा पूरा हुनेगरी आइसोलेशन निर्माण गरिन लागेको हो ।

यसका लागि नेपाली सेना, सशस्त्र प्रहरी, उपमहानगरपालिकाका कर्मचारी, हेटौंडा अस्पताल सबै लागिपरेको उपमहानगरपालिकाका मेयर हरिबहादुर महतले वताउनुभयो ।

श्रमिक माविको नयाँ भुकम्प प्रतिरोधी भवनलाई आइसोलेशनका रुपमा निर्माण गर्न लागिएको हो । विश्वव्यापी रुपमा फैलिएको कोरोना भाइरसका बिरामी देखा परिहालेमा उपचार गर्नका लागि विद्यालयमा आइसोलेशन र आइसियु निर्माण गर्न लागिएको मेयर महतले बताउनुभयो ।

दिन रात नभनी उपमहानगरपालिकाको लोडर, टिपरले ग्रेभल हाल्ने, सम्याउने, कोठाहरु पखाल्ने लगायतका कामहरु गरिरहेको उहाँले बताउनुभयो ।

कोरोना भाइरसका बिरामी देखा परिहालेमा उपचार गर्न सहज होस भन्ने उद्देस्यले वाग्मती प्रदेश सरकार र उपमहानगरपालिकाको सहकार्यमा कामसुरु गरिएको हो ।

अन्तिम अपडेट: फागुन २०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्