मजदुर वर्गका लागि आर्थिक प्याकेज ल्याउन कांग्रेसको आग्रह

चैत १४, २०७६ शुक्रबार १८:१८:११ | उज्यालो सहकर्मी

काठमाण्डौ - नेपाली कांग्रेसले दैनिक ज्यालादारीमा काम गर्ने मजदुर वर्गका लागि आर्थिक प्याकेजको घोषणा गर्न सरकारलाई आग्रह गरेको छ ।

कांग्रेसका सभापति शेरबहादुर देउवाले विज्ञप्ति निकालेर ‘लकडाउन’मा दैनिक ज्यालादारीमा काम गर्ने मजदुर वर्ग सबैभन्दा बढी प्रभावित हुने भन्दै उनीहरुका लागि तत्काल आर्थिक प्याकेज घोषणा गर्न सरकारलाई आग्रह गर्नुभएको हो ।

त्यस्तै कम आय भएका कर्मचारी, श्रमिक तथा वेरोजगार युवा, तथा डेरा गरी बस्ने विद्यार्थीलाई राहत हुनेगरी योजना र कार्यक्रम तय गर्न पनि सभापति देउवाले सरकारलाई आग्रह गर्नुभएको छ ।

‘लकडाउन’ले खुद्रादेखि ठूला व्यापारी सबैलाई असर गर्ने भएकाले २० लाख रुपैयाँसम्म ऋण लिएका व्यवसायीलाई कम्तीमा ३ महिनाको ब्याज मिनाहा गर्न आग्रह गर्नुभयो छ ।

त्यसपछि निश्चित अवधिका लागि ब्याजदर घटाउन तथा ठूला व्यवसायीको पनि किस्ता बुझाउने अवधि तीन महिना सार्न र ब्याजदर घटाउन आग्रह गर्नु भएको छ । देउवाले पत्रपत्रिका बन्द हुने अवस्थामा पुगेको भन्दै सञ्चारमाध्यम र पत्रकारका लागि राहतको योजना बनाउन पनि आग्रह गर्नुभयो।

उहाँले कोरानाको संक्रमणको जाँच तथा उपचारका लागि स्वास्थ्यकर्मीलाई पर्याप्त पीपीई, परीक्षण किट तथा उपचारका लागि आइसोलेसन शैय्या, भेण्टीलेटर लगायतको पर्याप्त व्यवस्था गर्न माग गर्नुभयो।

कोरोनाको जोखिम कम गर्न सरकारले गरेको 'लकडाउन' पूर्ण रुपमा पालना गर्न पनि कांग्रेस सभापति देउवाको आग्रह छ ।

अन्तिम अपडेट: पुस २६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्