साउदी र कतारमा गैरकानुनी रुपमा बसेका श्रमिकले पनि कोरोनाको उपचार निःशुल्क पाउने

चैत १८, २०७६ मंगलबार ११:४१:१२ | उज्यालो सहकर्मी

काठमाण्डौ – साउदी र कतारले गैरकानुनी हैसियतमा भएका श्रमिकमा कोरोनाको सङ्क्रमण देखिएमा निःशुल्क उपचार गर्ने भएका छन् ।

साउदीका राजा सलमानले ओभरस्टे भएका लगायत गैरकानुनी हैसियतमा सबैलाई कोरोना संक्रमणसँग सम्बन्धित उपचार निःशुल्क गर्न आदेश दिएका छन् । साउदीका राजाले यो आदेश दिएसँगै गैरकानुनी रुपमा साउदीमा बसेको भए पनि कोरोना सङक्रमणसँग मिल्दोजुल्दो लक्षण देखिएमा अस्पताल गएर उपचार गर्न सकिने स्वास्थ्य मन्त्रालयले जनाएको साउदीमा रहेको नेपाली दूतावासले उल्लेख गरेको छ ।

साउदीमा कोरोना सङ्क्रमितको सङ्ख्या दिनहुँ बढे पनि अहिलेसम्म नेपाली श्रमिकमा सङक्रमण नदेखिएको दूतावासले जनाएको छ । यस्तै कतारले पनि कतारको आईडी नभएका श्रमिकको पनि निःशुल्क उपचार गर्ने बताएको छ ।

कोभिड १९ को कुनै लक्षण देखिएमा वा पोजेभिटभ देखिएमा कतारको आईडी भए पनि नभए पनि सबै श्रमिकलाई निःशुल्क उपचार गर्ने कतारको प्रशासनिक विकास, श्रम तथा सामाजिक मामिला मन्त्रालयले जनाएको छ ।

मन्त्रालयले जारी गरेको सूचना अनुसार यदि ज्वरो, खोकी वा सास फेर्न गाह्रो भएमा तुरुन्त अरुबाट अलग बसी कतार सरकारको कोभिड १९ को हटलाइन नम्बर १६००० मा सम्पर्क गर्न सकिन्छ । आपतकालीन अवस्था भएमा ९९९ मा फोन गरी एक्बुलेन्स बोलाउन सकिन्छ ।

अन्तिम अपडेट: पुस ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्