दाङमा आफ्नो घरमा डेरा लिएर लिएर बसेकी नर्सलाई निकालेको आरोपमा वडा सचिव पक्राउ

चैत १८, २०७६ मंगलबार १७:३:४७ | उज्यालो सहकर्मी

दाङ - आफ्नो घरमा डेरा गरेर बसेकी नर्सलाई निकालेको आरोपमा प्रहरीले दाङमा एक वडा सचिवलाई पक्राउ गरेको छ ।

आफ्नो घरमा डेरामा बस्दै आएकी एक नर्सलाई घरबाट निकालेको आरोपमा घोराही उपमहानगरपालिका वडा नम्बर २ का सचिव नारायण आचार्यलाइ प्रहरीले मंगलबार दिउँसो पक्राउ गरेको हो ।

कोरोना भाइरस सर्ने त्रासका कारण नर्सलाई घरबाट निकालेको उजुरीपछि वडा सचिवलाई सोधपुछका लागि पक्राउ गरिएको प्रहरीले जनाएको छ ।
घोराहीको एक निजी अस्पतालमा कार्यरत नर्सलाई वडा सचिव आचार्यले आफ्नो घर घोराही उपमहानगरपालिका वडा न १८ नवलपुरको घरमा डेरा दिएकोमा गत शनिबार कोठा खाली गर्न लगाएको आरोप छ ।

गएको मंसिरदेखि आचार्यको घरमा डेरा गरी बस्दै आएकी नर्सले डेराबाट निकालिएपछि घोराहीको एक होटेलमा बस्दै आएको दावी गरेकी छिन् ।

अन्तिम अपडेट: कात्तिक २७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्