यूएईले स्वदेश फर्कन चाहने आफ्ना नागरिक नफर्काउने देशसँग श्रम सम्झौता रद्द गर्न सक्ने

वैशाख १, २०७७ सोमबार १२:१६:५८ | उज्यालो सहकर्मी

यूएईको मानव संशाधन तथा इमिरेटिजेसन मन्त्रालयले आफ्ना मित्र राष्ट्रहरुसँगको वर्तमान श्रम समझदारीको बारेमा अध्ययन गरिरहेको जनाएको छ ।

यूएईमा रहेका आफ्ना नागरिकलाई स्वदेश फर्किन चाहेको खण्डमा नफर्काए त्यस्ता देशसँग श्रम समझदारी रद्द गर्न सक्ने त्यहाँको मन्त्रालयलाई उद्धृत गर्दै स्थानीय पत्रिका खलिज टाइमले लेखेको छ ।

यूएई सरकारले यदि निजी क्षेत्रका श्रमिक घर फर्कन चाहेमा फिर्ता पठाउने नियम ल्याएकाे छ । घर फर्किन चाहने निजी क्षेत्रका प्रवासी कामदारलाई स्वदेश नफर्काउने देशको श्रम समझदारीमाथि पुनरावलोकन गरिने संशाधान मन्त्रालयका एक अधिकारीले बताएका छन् ।

कोरोना भाइरस कोभिड १९ को सङ्क्रमण फैलिएपछि यूएई सरकारले घर फर्किन गरेको अनुरोधको कसैले पनि पालना नगरेपछि आफूहरुले यस्तो कदम चाल्नुपरेको ती अधिकारीको भनाइ छ ।

अहिले अध्ययन गरिरहेको नयाँ विकल्पमा स्वदेश फर्किन चाहने आफ्ना नागरिकलाई स्वदेश नफर्काएमा श्रम सम्झौता रद्द हुनुका साथै भविष्यमा रोजगारीमाथि पनि प्रतिबन्ध लगाइने जनाइएको छ ।

यूएईमा काम गर्ने आफ्नो देशका नागरिकप्रतिको जिम्मेवारी वहन गर्ने विषयलाई यस अध्ययनले जोड दिएको छ ।

याे पनि पढ्नुहाेस्

खाडी र मलेसियामा साेमबारकाे कोरोना अपडेट : सङ्क्रमितकाे सङ्ख्या १९ हजार नाघ्याे, ४९ नेपालीमा सङ्क्रमण

अन्तिम अपडेट: पुस ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्