भक्तपुरका मस्जिदमा रहेकाको कोरोना परीक्षण, सबैको रिपाेर्ट 'नेगेटिभ'

वैशाख ६, २०७७ शनिबार १८:२२:७ | उज्यालो सहकर्मी

भक्तपुर - भक्तपुरका मस्जिदमा रहेकाहरुको कोरोना भाइरस (काेभिड १९) परीक्षण गर्दा सबैको रिपोर्ट नेगेटिभ आएको छ ।

प्रमुख जिल्ला अधिकारी हुमकला पाण्डेले भक्तपुरमा रहेका तीन वटा मस्जिद र एक मदरसामा रहेका आठ जनाको कोरोना परीक्षण गरिएको जानकारी दिनुभयो ।

भक्तपुर प्रहरीको समन्वयमा भक्तपुर अस्पतालको उद्धार टोलीले उनीहरुलाई मस्जिदबाट अस्पताल ल्याएर कोरोना परीक्षण गरिएको हो । अस्पतालमा द्रूत विधि (आरडीटी) बाट उनीहरुको कोरोना परीक्षण गरिएको थियो ।

नगरपालिकाको हनुमानघाटमा रहेको जामे मस्जिदमा रहेका ६ जना र बोडेको जनीउपर मासअल्लाह मस्जिद तथा जरै अरकम मदरसामा रहेका दुई जना गरी आठ जनाको कोरोना जाँच गरिएका हो ।

दिल्लीमा भएको एक धार्मिक सभामा सहभागी गएका मुस्लिम समुदायमा कोरोना देखिएपछि निश्चिन्त हुन भक्तपुर प्रशासनले भक्तपुरभित्र रहेका मस्जिदमा आश्रय लिएर बसिरहेकाहरुको परीक्षण गरेको हो ।

भक्तपुर अस्पतालले आरडीटी र पीसीआर गरी अहिलेसम्म चार सय जनाको परीक्षण गरिसकेकोमा सबैको रिपोर्ट नेगेटिभ आएको छ । १० जनाको रिपोर्ट आउन बाँकी रहेको अस्पतालले जनाएको छ ।

अन्तिम अपडेट: फागुन २८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्