विश्वभरको रेमिट्यान्समा २० प्रतिशतले कमी आउने विश्व बैंकको अनुमान, कैयौँको जिवनमा समस्या

वैशाख ११, २०७७ बिहीबार १४:५३:३९ | उज्यालो सहकर्मी

काठमाण्डौ - विश्व बैंकले कोरोना भाइरसको महामारीका कारण विश्वभरकै रेमिट्यान्समा झण्डै २० प्रतिशतले कमी आउने प्रक्षेपण गरेको छ ।

कोरोना भाइरसको महामारीका कारण सबैजसो देशको अर्थतन्त्रमा मन्दी आउनु, विकास निर्माणको क्रम सुस्त हुनु, रोजगारीको क्षेत्रमा ठूलो क्षति हुनुलगायतका कारणले सन् २०२० मा विश्वभरकै रेमिट्यान्समा कमी आउने विश्व बैंकले जनाएको छ ।

विश्व बैंकका अनुसार मध्यम र निम्न आय भएका देशहरुमा रेमिट्यान्स १९ दशमलव ७ प्रतिशतले घट्नेछ । यसले गर्दा लाखौं परिवारको जिवनमा समस्या आउने विश्व बैंकको प्रक्षेपण छ ।

मध्यम र निम्न आय भएका देशको रेमिट्यान्स ४ सय ४५ बिलियन डलरमा सीमित हुनेछ । दक्षिण एसियाली देशको रेमिट्यान्स भने २२ दशमलव प्रतिशतले घटेर १ सय ९ बिलियन डलरमा झर्नेछ ।

सन् २०१९ मा मध्यम र निम्न आय भएका देशमा कुल ५ सय ५४ बिलियन अमेरिकी डलर रेमिट्यान्स भित्रिएको थियो । सन् २०२१ मा भने रेमिट्यान्स ५ दशलमव ६ प्रतिशतले सुधार भएर ४ सय ७० विलियन अमेरिकी डलरमा पुग्ने विश्व बैंकको अनुमान छ ।

विश्व बैंकको अध्ययनले भनेको छ, ‘कैयौँ परिवारको पोषणयुक्त खाना, स्वास्थ्य सेवा, शिक्षालगायतको दैनिकी रेमिट्यान्ससँग जोडिएको छ, यसमा कमी आउँदा ती परिवारलाई खाद्यान्न अभाव हुनेदेखि शिक्षा र स्वास्थ्यमा पनि असर पर्नेछ ।’

रेमिट्यान्समा आउने कमीका कारण मध्यम र निम्न आय भएका देशमा पर्ने प्रभाव कम गर्न विश्व बैंकले जी-२० देशसँग छलफल गरिरहेको जनाएको छ ।

विश्व बैंकका अनुसार युरोप र मध्य एसियामा रेमिट्यान्स २७ दशलमव ५ प्रतिशतले घट्नेछ, सब सहारा अफ्रिकामा २३ दशमलव १, दक्षिण एसियामा २२ दशमलव १, मध्य र उत्तर अफ्रिकामा १९ दशमलव ६, ल्याटिन अमेरिकामा १९ दशमलव ३ र पश्चिम एसियाली क्षेत्रमा १३ प्रतिशतले कमी आउनेछ ।

यो पनि पढ्नुहोस्

अप्रिल २३ : खाडी र मलेसियाकाे काेराेना अपडेट

अन्तिम अपडेट: मंसिर १४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्