कोरोना सङ्क्रमित भेटिएपछि भोजपुरको हतुवागढी गाउँपालिका ‘सिल’

वैशाख १२, २०७७ शुक्रबार १४:३४:६ | बुद्ध तामाङ

भोजपुर - हतुवागढी गाउँपालिकामा कोरोना सङ्क्रमित भेटिएपछि गाउँपालिकालाई ‘सिल’ गरिएको छ ।

हतुवागढी गाउँपालिका–६ होम्ताङ्गका २६ वर्षीय युवकमा कोरोना सङ्क्रमण पाइएपछि गाउँपालिकामा प्रवेश गर्न र त्यहाँबाट बाहिर जान पूर्ण रूपमा बन्द गरिएको प्रमुख जिल्ला अधिकारी वसन्तराज पुरीले बताउनुभयो ।

शुक्रबार जिल्ला प्रशासन कार्यालय भोजपुरमा बसेको जिल्ला कमाण्ड पोष्टको बैठकले धनकुटा, उदयपुर, खोटाङ र संखुवासभाबाट जिल्लामा प्रवेश गर्ने सबै नाकाहरूमा थप सुरक्षाकर्मी परिचालन गरेर कडाइ गर्ने निर्णय समेत गरेको प्रमुख जिल्ला अधिकारी पुरीले बताउनुभयो ।

३० फागुनमा साउदी अरबबाट काठमाडौं हुँदै होम्ताङ्गमा रहेको घर आइपुगेका ती युवाको ‘ट्राभल हिस्ट्रि’ र ‘कन्ट्याक्ट ट्रेसिङ’ को आधारमा परीक्षणको दायरा बढाउनेबारे पनि छलफल भएको छ ।

उनका परिवारका सदस्य र सम्पर्कमा रहेकाहरू र वरपरको क्षेत्रमा कोभिड–१९ परीक्षणको लागि विज्ञ चिकित्सकसहित आरडीटी किट, पीपीई सेट, स्यानिटाइजर, एन–९५ मास्कलगायतका स्वास्थ्य सामग्री प्रदेश १ सरकारसँग माग गर्ने पनि बैठकले निर्णय गरेको छ ।

अहिले घोडेटारमा रहेको प्राथमिक स्वास्थ्य केन्द्रको आइसोलेसनमा भर्ना गरिएका ती युवकलाई गाउँपालिकासँग समन्वय गरी आज नै एम्बुलेन्समा विराटनगरमा रहेको कोशी अस्पताल पठाइने प्रमुख जिल्ला अधिकारी पुरीले बताउनुभयो ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

बुद्ध तामाङ

बुद्ध तामाङ भोजपुरका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्