नेपाली श्रमिकका गुनासा सुन्न साउदीमा दूतावासले टेलिफोन सेवा विस्तार गर्ने

वैशाख १४, २०७७ आइतबार १०:५५:२७ | उज्यालो सहकर्मी

काठमाण्डौ – साउदी अरबमा रहेको नेपाली दूतावासले त्यहाँ रहेका नेपालीका गुनासा सुन्नको लागि छुट्टै टेलिफोन सेवा सञ्चालन गर्ने भएको छ ।

फेसबुक, इमेल, ह्वाट्सएपबाट गुनासाहरु पठाउन कठिन भएको भन्ने जानकारी प्राप्त भएकाले समस्यामा परेका नेपालीको विवरण टेलिफोनबाट समेत लिने गरी तयारी भएको दूतावासले जनाएको छ । दूतावासका अनुसार अप्रिल २७ तारिख देखि गुनासा सुन्नको लागि मात्र दुईवटा टेलिफोन नम्बरको व्यवस्था गर्न लागिएको छ ।

गुनासा सुन्नको लागि नयाँ टेलिफोन नम्बरको व्यवस्था गरे पनि समस्यामा परेका नेपाली श्रमिकले दूतावासको फेसबुक, इमेल, ह्वाट्सएप लगायतबाट पनि आफ्नो विवरण टिपाउन सक्नेछन् ।

समस्या दूतावासमा टिपाएर समस्या समाधानमा सहयोग गरिदिन दूतावासले आग्रह गरेको छ ।

यसरी संकलन गरिने विवरण दूतावासको अभिलेख र वास्तविक समस्या समाधानमा महत्वपूर्ण हुने भएकोले कोरोना भाइरसको संक्रमणबाट सिर्जना भएको संकटको यस घडीमा समस्याको वास्तविक सूचना दिन पनि दूतावासको अनुरोध छ ।

याे पनि पढ्नुहाेस्

अप्रिल २६ : खाडी र मलेसियामा कोरोना सङ्क्रमणकाे पछिल्लाे अवस्था

अन्तिम अपडेट: पुस ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्