जोशी प्रधानन्यायाधीश बन्ने नबन्नेबारे निर्णय आज हुँदै

साउन १४, २०७५ सोमबार ११:४७:४८ | उज्यालो सहकर्मी

काठमाडौं – प्रधानन्यायाधीशका लागि सिफारिस भएका दीपकराज जोशीको नाम अनुमोदन गर्ने नगर्नेबारे निर्णय गर्न संसदीय सुनुवाई समितिको बैठक आजका लागि बोलाइएको छ ।

गएको विहीबार नै सुनुवाइ सकिए पनि समितिले निर्णय गर्न सकेको छैन । सुनुवाई सकिएपछि २ पटक स्थगित भएको बैठक आज दिउँसो २ बजेका लागि बोलाइएको हो । आजको बैठकले जोशीको नामबारे निर्णय गर्ने समितिका सदस्यहरुले दावी गरेका छन् ।

नाम अनुमोदन गर्न समितिका २ तिहाइ सदस्यको समर्थन आवश्यक पर्छ भने २ तिहाइ सदस्यले चाहेमा नाम अस्वीकार पनि गर्न सक्छन् । १५ सदस्यीय समितिमा नेकपाका ९ र संघीय समाजवादी फोरमका १ गरि २ तिहाइ सदस्य सत्तारुढ दलसँग छन् । तर नेकपाका अध्यक्ष तथा प्रधानमन्त्री केपी शर्मा ओली र अध्यक्ष पुष्पकमल दाहालले जोशीको नाम अनुमोदन गर्ने कि नगर्ने भन्ने स्पष्ट निर्देशन नदिइसकेकाले समितिका सदस्यहरु पनि अलमलमा परेका छन् ।

जोशीको एसएलसीको प्रमाणपत्र र उहाँ सम्मिलित केही फैसलाहरु विवादित भएकाले पनि समितिले यसबारे निर्णय गर्न सकेको छैन । तर, सुनुवाई सकिएको चार दिन वित्दा पनि निर्णय नहुँदा आशंका बढ्दै गएको भन्दै निर्णय गर्न समितिलाई दबाब बढ्दै गएको छ । संसदीय सुनुवाई नहुँदा लामो समय प्रधानन्यायाधीस नियुक्तिको प्रक्रिया अघि बढ्न सकेको थिएन ।

अन्तिम अपडेट: माघ ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्