पाकिस्तानमा 'लकडाउन'को अवधि मे ३१ सम्म लम्बियाे

वैशाख २८, २०७७ आइतबार १७:५३:४७ | रासस

पाकिस्तान – पाकिस्तानमा लागू हुँदै आएको लकडाउनको अवधि फेरि तीन हप्ताका लागि थप गरिएको छ ।

पाकिस्तानी सरकारले यही मे ३१ तारिखसम्मका लागि लकडाउनको अवधि थप गरिएको घोषणा गरेको छ । तर व्यापार व्यवसायलाई सजिलो हुने गरी केही खुकुलो पनि गरिएको जनाइएकाे छ ।

सर्वसाधारणको धेरै भिडभाड नहुने ठाउँका लागि लकडाउनलाई खुकुलो बनाइएको सरकारले निकालेकाे सूचनामा उल्लेख गरिएको छ । सूचना अनुसार अत्यावश्यक सेवाका पसलहरु हप्तामा पाँच दिन बिहान ८ बजेदेखि बेलुका ५ बजेसम्म खेल्न दिइने भएको छ ।

पाकिस्तानमा कोरोना भाइरसबाट सङ्क्रमित हुने र ज्यान गुमाउनेकाे सङ्ख्या बढ्दै गइरहेकाले लकडाउनलाई निरन्तरता दिनु परेको सरकारी अधिकारीहरुको भनाइ छ । उनीहरुका अनुसार देशभरि गरेर अहिलेसम्म २९ हजारभन्दा बढी सङ्क्रमित भएका छन् भने पछिल्लो २४ घण्टामा मात्रै एक हजार नाै सय ९१ जना नयाँ बिरामी थपिएका छन् ।

स्वास्थ्य मन्त्रालयले पछिल्लो २४ घण्टामा २१ जनाको ज्यान गएको जानकारी दिएको छ । पाकिस्तानमा अहिलेसम्म कुल मृतकको सङ्ख्या ६ सय ३९ पुगेको छ ।कोरोना भाइरसका कारण बिरामी भएकामध्ये आठ हजार २३ जना भने निको भइसकेको अधिकारीहरुले जानकारी दिएका छन् ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्