जोशी प्रधानन्यायाधीशमा सिफारिस नहुने सम्भावना

साउन १५, २०७५ मंगलबार ६:२२:२१ | उज्यालो सहकर्मी

काठमाडौँ - सत्तारूढ नेकपाले प्रधानन्यायाधीशमा सिफारिस दीपकराज जोशीलाई संसदीय सुनुवाइबाट अस्वीकृत गर्ने तयारी गरेको छ ।

शैक्षिक प्रमाणपत्रको अस्पष्टता, विवादित फैसलाहरू एवं न्यायाधीशको आचरणभन्दा फरकखालका गतिविधि गरेको विषयमा सुनुवाइमा उठेका प्रश्नमा जोशीको जवाफ चित्तबुझदो नभएको नेकपाका नेताहरूको ठहर छ ।

यस विषयमा नेकपाले केही निर्णय चाहिँ गरिसकेको छैन । तर उहाँलाई प्रधानन्यायाधीश बनाउन नहुने धारणा बलियो बन्दै गएको नेकपाका नेताहरुले बताएका छन् ।

सोमबार बसेको संसदीय सुनुवाई समितिको बैठकमा नेकपाका सांसदहरुले जोशीलाई अस्वीकृत गर्ने निर्णयको तयारीमा थिए । तर प्रमुख प्रतिपक्षले सहमति गर्नुपर्ने भन्दै बैठक दुई दिन पर सार्न आग्रह गरेको थियो । कांग्रेस सांसदको आग्रहपछि बैठक बुधबारसम्मको लागि स्थगित भएको छ ।

जोशीको सुनुवाई बिहीबार नै सकिएपनि आन्तरिक छलफल गर्नुपर्ने भन्दै दलहरुले बैठक सार्दै आएका छन् । समितिबाट जोशीको नाम अस्वीकृत भए यो संसदीय सुनुवाइमै पहिलो हुनेछ ।

संसदको नियमावलीमा सिफारिस दुई तिहाइले अस्वीकार गर्न सक्ने व्यवस्था छ । यस पटक समितिमा नेकपाकै करिब दुई तिहाइ मत छ ।
१५ सदस्यीय समितिमा नेकपाका ९ र संघीय समाजवादी फोरमका १ गरी सत्तारुढ दलका नै १० जना सांसद छन् । कांग्रेसका ४ र राजपाका १ जना सांसद संसदीय सुनुवाइ विशेष समितिमा सदस्य छन् ।

अन्तिम अपडेट: माघ ९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्