लमजुङको मध्यनेपाल नगरपालिका : वर्षौँदेखि बाँझिएको जग्गामा खेती गर्नेलाई अनुदान दिइने

जेठ ११, २०७७ आइतबार २०:२:४१ | श्यामशितल परियार

लमजुङ – लमजुङको मध्यनेपाल नगरपालिकाले बाँझो जमिनमा खेती गर्नेलाई अनुदानको व्यवस्था गरेको छ ।

वर्षौँदेखि बाँझो रहेको जमिनको उपयोग गरी कृषि उत्पादन वृद्धि गर्नुका साथै स्थानीय युवालाई स्वदेशमै स्वरोजगार बनाउने हेतुले बाँझो जमिनमा खेती गर्नेलाई अनुदानको व्यवस्था गरिएको मध्यनेपाल नगरपालिकाका प्रमुख रमेशकुमार पाण्डेले बताउनुभयो ।

उहाँका अनुसार कम्तीमा दुई वर्षदेखि बाँझो रहेको जग्गा भाडामा लिइ खेती गर्नेलाई प्रतिरोपनी वार्षिक पाँच हजार रुपैयाँ र आफ्नै बाँझो जग्गामा खेती गर्नेलाई वार्षिक चार हजार रुपैयाँ अनुदानको व्यवस्था गरिएको छ । यो कार्यक्रम यसै वर्षदेखि लागू हुनेछ ।

‘अनुदान लिनका लागि कम्तीमा दुई वर्षदेखि बाँझो रहेको जग्गामा खेती गरिएको हुनुपर्छ । उनीहरुले अन्नबाली, नगदेबाली र फलफुल खेती गर्न सक्नेछन्’ नगरप्रमुख पाण्डेले भन्नुभयो ।

उहाँका अनुसार ४० वर्षमुनिका स्थानीय युवाले बाँझो जमिनमा खेती गर्न चाहेमा पनि अनुदान उपलब्ध गराइनेछ ।

अन्तिम अपडेट: मंसिर २, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

श्यामशितल परियार

श्यामशितल परियार उज्यालोकाे लमजुङ र मनाङ जिल्ला सम्वाददाता हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्