भोजपुरका पत्रकारको कोरोना बीमा

जेठ १२, २०७७ सोमबार २०:१०:६ | बुद्ध तामाङ

भोजपुर – कोरोना महामारीको जोखिम मोलेर काम गरिरहेका पत्रकारका लागि स्थानीय जनप्रतिनिधिले बीमा कम्पनीसँग सम्झौता गरेका छन् । नेपाल पत्रकार महासङ्घ भोजपुरका क्रियाशील ५२ पत्रकारको बीमा सम्झौता गरिएकाे हाे ।

भोजपुर नगरपालिकाकी उपमेयर ममिता राई, नगरपालिका ९ का वडाध्यक्ष रामबहादुर तामाङ र ६ का वडाध्यक्ष शैलेन्द्र कार्कीले शिखर इन्स्याेरेन्स कम्पनी लिमिटेडसँग पत्रकारको बीमा सम्झौता गरेका हुन् ।

अग्रपङ्क्तिमा रहेर जोखिमपूर्ण तरिकाले समाचार सङ्कलन गरिरहेका पत्रकारको व्यक्तिगत सुरक्षाका लागि बीमाको व्यवस्था गरिएको उपमेयर ममिता राईले जानकारी दिनुभयो ।

पत्रकार आबद्ध सञ्चार गृहबाट तलब नआउने अवस्थामा यदि कोहीमा सङ्क्रमण देखिए अस्पतालमा बस्नुपरेमा पत्रकारको परिवारलाई आइपर्ने आर्थिक समस्यामा बीमा कम्पनीबाट प्राप्त हुने रकमले केही राहत मिलोस् भन्ने उद्देश्यले बीमा गर्न सहयोग गरेको राईले बताउनुभयो ।

बीमा कम्पनीसँग भएको सम्झौता अनुसार फिल्डमा खटिने कुनै पत्रकारलाई सङ्क्रमण भएमा कम्पनीले एक लाख रुपैयाँ सम्बन्धित पत्रकारलाई उपलब्ध गराउनेछ ।

अन्तिम अपडेट: मंसिर ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

बुद्ध तामाङ

बुद्ध तामाङ भोजपुरका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्