सरकारकै मूल्यांकनमा सरकारको सय दिन

जेठ १४, २०७५ सोमबार ६:४५:४२ | उज्यालो सहकर्मी

सरकारले आफ्नो सय दिनमा महत्वपूर्ण उपलब्धि हासिल भएको दावी गरेको छ । प्रधानमन्त्री तथा मन्त्रिपरिषदको कार्यालयले आइतबार सय दिनको उपलब्धि सार्वजनिक गरेको हो ।

‘प्रधानमन्त्री केपी शर्मा ओली नेतृत्व सरकारको सय दिनका महत्वपूर्ण उपलब्धि’ शीर्षकमा ८८ वटा बुँदा उल्लेख गरिएको छ ।

यसबीचमा संघीयता कार्यान्वयन, कानुन निर्माण, कृषि, अर्थ, उर्जा, उद्योग, श्रम तथा रोजगार, पूर्वाधार, पर्यटन, सामाजिक विकास, स्वास्थ्य, शान्ति र स्थायीत्व, शासकीय सुधार र परराष्ट्र सम्बन्धका विषयमा महत्वपूर्ण काम भएको सरकारको दावी छ ।

समृद्ध नेपाल सुखी नेपालीको दीर्घकालीन लक्ष्यका साथ सुरु भएको कामलाई महत्वपूर्ण उपलब्धिको रुपमा राखिएको छ । यस्तै भारतीय प्रधानमन्त्रीको नेपाल भ्रमण, यातायातको सिन्डिकेट अन्त्य, सुन तस्करी काण्डका अभियुक्त पक्राउ, औधोगिक क्षेत्रमा लोडसेडिङ मुक्त हुनुलाई पनि सरकारले महत्वपूर्ण उपलब्धि भएको मूल्यांकन गरेको छ ।

नयाँ वर्षको अवसरमा प्रधानमन्त्रीले कर्णाली–रारा पर्यटन वर्षको उद्घाटन गर्नु, बागलुङ, सिरहा, बारा, लुम्बिनी लगायतका ठाउँमा भ्रमण गर्नुलाई पनि सय दिनको उपलब्धिको रुपमा राखिएको छ ।

सरकारले सार्वजनिक गरेको सय दिनको उपलब्धि हेर्न यहाँ क्लिक गर्नुहोस् ।

अन्तिम अपडेट: मंसिर ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्