खाडीका तीन देशमा यो हप्तामा थप ९ नेपालीको कोरोनाबाट ज्यान गयो

जेठ १७, २०७७ शनिबार ११:२०:२ | उज्यालो सहकर्मी

काठमाण्डौ – यो हप्ता खाडीका तीन देश कतार, साउदी र यूएईमा थप ९ जना नेपालीको कोरोनाको कारण ज्यान गएको छ ।

यो हप्तामात्रै साउदीमा थप २ जना, कतारमा थप ३ र यूएईमा थप चार जनाको ज्यान गएको वैदेशिक रोजगार बोर्डले जनाएको छ । योसँगै साउदीमा कोरोना सङ्क्रमणबाट मृत्यु हुने नेपालीको सङ्ख्या ९ पुगेको छ भने कतारमा चार र यूएईमा ९ जना पुगेको बोर्डको तथ्याँक छ ।

तर गैरआवासीय नेपाली संघ एनआरएनए अन्तर्गतको स्वास्थ्य समितिले गएको हप्ता नै यूएईमा १८ जना नेपालीको कोरोना सङ्क्रमणबाट ज्यान गएको जनाएको थियो ।

यो तथ्याँकलाई त्यहाँ रहेको नेपाली दूतावासले पुष्टि भने गरेको छैन । यस्तै अर्का एक जना नेपालीको सेसल्समा पनि कोरोना सङ्क्रमणबाट ज्यान गएको छ । बोर्डको तथ्याँक अनुसार योसँगै रोजगारीमा रहेका २३ जना नेपालीको कोरोना सङ्क्रमणबाट ज्यान गएको छ ।

अन्तिम अपडेट: मंसिर ३०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्