गण्डकी प्रदेशमा कोरोना पुष्टि भएका ३८ मध्ये १० जना गोरखाका

जेठ २५, २०७७ आइतबार ११:४७:५ | किरण लोहनी

गोरखा - गण्डकी प्रदेशमा थपिएका ३८ कोरोना सङ्क्रमितमध्ये १० जना गोरखाका रहेका छन् ।

गण्डकी गाउँपालिकाको तीन वटा क्वारेन्टाइनमा रहेका ९ जना र हाल अनुसन्धानका क्रममा जिल्ला प्रहरी कार्यालयको हिरासतमा रहेका पालुङ्गटार ७ का १७ वर्षका किशोरमा कोरोना सङ्क्रमण पुष्टि भएको हो । उनी जेठ ९ गते पक्राऊ परि जिल्ला प्रहरीको हिरासतमा थिए ।

गण्डकी गाउँपालिकाको भिमोदय आधारभूत विद्यालय र रत्नेश्वर मावि दर्बुङको क्वरेण्टीनमा रहेका चार-चार जना र ज्ञानमार्ग माविको क्वारेण्टाइनमा रहेका एकजनामा पोजेटिभ देखिएको हो । उनीहरु २० देखि ४३ वर्षका पुरुषहरु रहेको गण्डकी प्रदेश स्वास्थ्य निर्देशनालयका प्रमुख डाक्टर विनोदविन्दु शर्माले जानकारी दिनुभयो ।

प्रदेश जनस्वास्थ्य प्रयोगशाला पोखरामा शनिबार भएको स्वाब परीक्षणमा उनीहरूमा कोरोना सङ्क्रमण पुष्टि भएको हो । स्वास्थ्य तथा जनसङ्ख्या मन्त्रालयले यसबारे आधिकारिक रुपमा सार्वजनिक गर्न भने बाँकी छ ।

उनीहरूलाई आज आइतबार जिल्ला अस्पताल गोरखाको आइसोलेशनमा ल्याउने तयारी गरिएको र त्यसै अनुसार आइसोलेशन वार्ड तयार भैसकेको अस्पताल व्यवस्थापन पक्षले जनाएको छ ।

अन्तिम अपडेट: मंसिर २७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

किरण लोहनी

उज्यालोका गोरखा सम्वाददाता किरण लोहनी गोरखाको च्वाइस एफएममा पनि काम गर्नुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्