सोलुखुम्बुकाे दूधकुण्डसहित अन्य पोखरी तत्काल फुट्ने संभावना छैन : अध्ययन

साउन ३२, २०७७ आइतबार ११:४२:१३ | सुवास दर्नाल

सोलुखुम्बु - जिल्ला प्रहरी कार्यालय सोलुखुम्बुले दूधकुण्डसहित अन्य पोखरी तत्काल फुट्ने संभावना नरहेको निश्कर्षसहितको प्रतिवेदन सार्वजानिक गरेको छ ।

साउन २३ गते बिहान दूधकुण्ड पोखरी मुहान भएर बग्ने सोलु खोलामा पानीको बहाव बढ्नुको आधिकारिक कारण खोज्न त्यस क्षेत्र पुगेको प्रहरी टोलीको स्थलगत अध्ययनपछि तत्काल ताल फुट्ने संभावना नरहेको प्रतिवेदन सार्वजानिक गरिएको हो ।

साविककै अवस्थामा रहेको दूधकुण्ड तालको उत्तरतिर झण्डै २० किलोमिटरमा रहेको चोकर्मा पोखरी फुट्दा खोलामा पानीको बहाव बढेको प्रहरीले पुष्टि गरेको छ । निरन्तर पानी परेपछि पोखरीमा बहाव बढेको र पश्चिमतर्फ कमजोर रहेको ४ मिटर भाग कटान गरी फुटेको प्रहरी निरीक्षक मन्दिप चौहानले जानकारी दिनुभयो ।

गएको साउन २२ गते पानीको बहाव बढेपछि पोखरी फुटेको भन्दै स्थानीयले तत्काल स्थलगत अध्ययन गर्न माग गरेका थिए । साउन २८ गते सल्लेरीबाट दूधकुण्ड क्षेत्र गएको प्रहरी टोलीले अध्ययन गरेको हो ।

अन्तिम अपडेट: कात्तिक २८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सुवास दर्नाल

उज्यालोका सोलुखुम्बु सहकर्मी सुवास दर्नाल हिमाल एफएममा पनि कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्