क्राइस्टचर्च आक्रमण : ट्यारन्ट ‘सकेसम्म धेरैको ज्यान लिन चाहन्थे’

भदौ ८, २०७७ सोमबार १९:१२:२७ | एजेन्सी

काठमाण्डाै – न्युजिल्याण्डमा गएको वर्ष क्राइस्टचर्चमा रहेको दुई वटा मस्जिदमा भएको आक्रमणको सुनुवाइको क्रममा आक्रमणकारीले तेस्रो मस्जिदलाई पनि निसाना बनाउन चाहेको बताएका छन् । सन् २०१९ को मार्च महिनामा भएको आक्रमणमा ५१ जनाको ज्यान गएको थियो ।

आक्रमणकारी ब्रेन्टन ट्यारन्ट मस्जिद जलाउन पनि चाहन्थे । उनी ‘धेरैभन्दा धेरैलाई सजाय’ दिन चाहन्थे ।

ती अस्ट्रेलियाली आक्रमणकारीले ५१ जनाको हत्या, ४० जनाको हत्या प्रयास र चरमपन्थीको एक मामिलामा दोष स्वीकार गरेका छन् ।

२९ वर्षीय ट्यारन्टलाई आजीवन कारावासको सजाय हुन सक्छ र यो रिहाइको लागि पनि अनुमति मिल्ने सम्भावना निकै कम छ ।

न्युजिल्याण्डमा कहिल्यै पनि यस्तो सजाय कसैलाई दिइएको थिएन ।

सोमबार सजाय सुनुवाइका क्रममा ब्रेन्टनको सामना आक्रमणमा बचेका मानिस र पीडितका परिवारसँग भएको थियो ।

त्यो आक्रमणमा मारिएका अट्टा इलायनकी आमा मासुन सलमाले उनीसँग भनिन्, ‘उनीहरु मुसलमान भएकै कारणले गर्दा तिमीलाई आफैलाई ५१ जनाको ज्यान लिने अधिकार दियौ । तिम्रो काम मेरो बुझाइभन्दा बाहिरको छ । म तिमीलाई माफ गर्न सक्दिन ।’

गएको वर्षको मार्च महिनाको १५ तारिखमा क्राइस्टचर्चको दुई वटा मस्जिदमा भएको अन्धाधुन्ध गोली प्रहार घटनालाई प्रधानमन्त्री ज्यासिन्डा आर्डेनले न्युजिल्याण्डका लागि सबैभन्दा कालो दिन भएको बताउनुभएको थियो ।

आक्रमणकारीले गोली प्रहारको केही हिस्सालाई अनलाइन लाइभ भिडियोमा पनि देखाएका थिए ।

आक्रमणकारी पहिला अल नूर मस्जिद गएका थिए, नजिकै कार रोकेर नमाज पढिरहेका मानिसमाथि अन्धाधुन्ध गोली प्रहार गरे, जहाँ महिला र बालबालिका पनि थिए ।

त्यसपछि उनी कारमा चढेर पाँच किलोमिटर टाढा रहेको लिनवुड मस्जिद पुगेर त्यहाँ पनि अन्धाधुन्ध गोली प्रहार गरेका थिए ।

ती आक्रमणकारीसँग एआर–१५ सहित सेमी अटोमेटिक बन्दुक पनि थियो ।

अन्तिम अपडेट: मंसिर १०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्