प्रधानमन्त्री ओलीको दोहोरो चरित्रले न्यायालय दुर्घटनामा पर्‍याे : कांग्रेस

साउन २२, २०७५ मंगलबार २०:३९:५ | उज्यालो सहकर्मी

काठमाडौं – प्रमुख विपक्षी दल नेपाली कांग्रेसले प्रधानमन्त्री केपी शर्मा ओलीको दोहोरो चरित्रका कारण न्यायालय दुर्घटनामा परेको आरोप लगाएको छ ।

मंगलबार सानेपामा बसेको कांग्रेस केन्द्रीय कार्यसमितिको बैठकले प्रधानमन्त्री ओलीकै अध्यक्षतामा रहेको संवैधानिक परिषदबाट सिफारिस भएर प्रस्तावित प्रधानन्यायाधीश दीपकराज जोशीलाई संसदीय सुनुवाइ समितिबाट दुई तिहाईको बलमा अस्वीकृत गरिएको भन्दै कांग्रेसले न्यायालय दुर्घटनामा परेको आरोप लगाएको हो ।

यसले न्यायालयमा पर्न गएको असरको नैतिक जिम्मेवारी लिन पनि नेपाली कांग्रेसले प्रधानमन्त्रीसँग आग्रह गरेको प्रवक्ता विश्वप्रकाश शर्माले जानकारी दिनुभयो । बैठकले नागरिकका अधिकार खोस्ने सरकारको गतिविधिको निरन्तर विरोध गर्ने, नागरिकको संवैधानिक अधिकार रक्षाका लागि लागिरहने निर्णय पनि गरेको शर्माले बताउनुभयो ।

बैठकमा संघीय संसद र संसदीय समितिहरुलाई प्रभावकारी बनाउन नेता कार्यकर्तालाई सभापति शेरबहादुर देउवाले निर्देशन दिनु भएको छ ।

बैठकमा बोल्दै नेपाली कांग्रेसका सभापति शेरबहादुर देउवाले सरकारले नागरिकका आधारभूत अधिकार पूरा गर्न छाडेर अधिनायकवाद चरित्र देखाएको आरोप लगाउनुभयो । सभापति देउवाले विधान मस्यौदा समिति गठन र महासमिति बैठकको मिति छिट्टै तय गर्ने पनि बताउनु भएको छ ।

अन्तिम अपडेट: माघ ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्