‘परिवार एक ढिक्का देखाउन श्रीमानकाे थर अपनाउँछन् विकसित देशका महिला’

असोज १७, २०७७ शनिबार १४:२९:४३ | उज्यालो सहकर्मी

काठमाण्डौ - अमेरिका, बेलायत जस्ता विकसित देशमा पनि विवाहपछि श्रीमानकाे थर अँगाल्ने महिलाको सङ्ख्या बढ्दै गएको छ ।

हालै भएको एउटा अध्ययनअनुसार अमेरिकामा ७० प्रतिशत र बेलायतमा झण्डै ९० प्रतिशत महिलाले विवाहपछि श्रीमानकाे थर अँगाल्ने गरेको पाइएको बीबीसीले जनाएको छ ।

यस्तै बेलायतमा ११ प्रतिशत महिलाले आफ्नो र श्रीमान दुवैको थर मिसाएर प्रयोग गरेको पाइएको खबरमा उल्लेख छ । केही दम्पतीले दुवैको थर मिसाएर प्रयोग गर्ने गरेको पाइए पनि त्यो ज्यादै कम सङ्ख्या रहेको बीबीसीले जनाएको छ ।

महिलाले विवाहपछि पुरुषको थर राख्नुमा पितृसत्तात्मक शक्तिको जड र असल परिवारको आदर्शका रुपमा लिइएको पाइएको छ । कतिपयले बाबु र आमाको अलग-अलग थर हुँदा छोराछोरीमा मानसिक असर पर्ने खतरा रहेको भन्दै श्रीमान-श्रीमती र बच्चाहरुलाई एक ढिक्का बनाउन श्रीमानकाे थर अँगालेको बताएका अध्ययनकर्ता डङ्कनलाई उदृत गर्दै बीबीसीले जनाएको छ ।

अध्ययनमा सहभागी केही महिलाहरुले भने जीवनसाथीको नाम अपनाउनु सम्बन्धप्रति आफ्नो प्रतिवद्धता र बाहिरी दुनियाँलाई आफूहरुबीच एकता रहेको देखाउने तरिका रहेको पनि बताएका खबरमा उल्लेख छ ।

अन्तिम अपडेट: मंसिर ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्