‘दालभात तरकारी’मा पुष्पल र स्वस्तीमा, रिलिज अर्को वर्ष

साउन २५, २०७५ शुक्रबार १७:४८:५२ | उज्यालो सहकर्मी

हाँस्यकलाकार किरण केसीले आफ्नो ६० औँ जन्मदिनको अवसरमा ‘दालभात तरकारी’को घोषणा गरेका थिए । यो सिनेमालाई उनका कान्छा छोरा सुदन केसीले निर्देशन गर्दैछन् भने सिनेमाको कथा हरिवंश आचार्यले लेखेका हुन् ।

यतिबेला सिनेमाका लागि कलाकारहरुको छनौट कार्य भैरहेको छ । जानकारी अनुसार यस सिनेमामा अभिनेता पुष्पल खड्का र अभिनेत्री स्वस्तीमा खड्का मुख्य भूमिकामा रहने भएका छन् । तर निर्माण पक्षले यसको आधिकारिक जानकारी दिइसकेको छैन ।

पुष्पलले भदौबाट छायाकंनमा जाने यस सिनेमाको वर्कसप समेत सुरु गरिसकेको बुझिएको छ । त्यस्तै अभिनेत्री स्वस्तीमाले पनि सिनेमाका लागि निर्माण पक्षसँग दुई पटक भेटवार्ता गरिसकेकी छिन् ।

दुई पटकको मिटिङले के निर्णय गरेको छ त्यसको आधिकारिक घोषणा भने केहीदिनमा पत्रकार सम्मेलन गरेर जानकारी दिने सिनेमाका निर्देशक सुदन केसीले बताएका छन् । केही दिनमा पत्रकार सम्मेलन गरेर सिनेमाका सबै कलाकारहरुको जानकारी दिने बताउँदै त्यसै दिन सिनेमाको छायाकंन मिति पनि घोषणा गर्ने सुदनले बताए ।

तर शुक्रबार सिनेमाको एउटा पोस्टर सार्वजनिक गर्दै निर्माण पक्षले सिनेमाको प्रदर्शन मिति भने सार्वजनिक गरेको छ । यो सिनेमा २०७६ सालको वैशाख १३ गते प्रदर्शनमा आउने भएको छ ।

बुझिए अनुसार यस सिनेमामा अभिनेता विल्सनविक्रम राई पनि मुख्य भूमिकामा रहनेछन् ।

‘दालभात तरकारी’ मह सञ्चारको ब्यानरमा निर्माण हुन लागेको सिनेमा हो ।

-उज्यालाे र गफगाफ डट कमकाे सहकार्य

अन्तिम अपडेट: मंसिर १०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्