टाइम कार्ड लागू गरे पनि रोकिएन टिपर आतंक, धनुषामा एकजनाको ज्यान गयो

साउन २६, २०७५ शनिबार १७:४७:१६ | शैलेन्द्र महतो

धनुषा – टिपरले धनुषाको ढल्केवरमा एकजना मोटरसाइकल चालकलाई ठक्कर दिँदा चालकको घटनास्थलमा नै ज्यान गएको छ ।

अत्यधिक गतिमा टिपर कुदाएर पटक–पटक सर्वसाधारणको ज्यान लिएको भन्दै गति माथि लगाम कस्न गएको फागुन २२ गतेदेखि जनकपुर ढल्केवर सडक खण्डमा टिपरलाई टाइम कार्ड लागू गरेको थियो । तर नियमित अनगुगमन नहुँने र लापरबाही गर्ने टिपरमाथि कारबाही नहुँदा अत्यधिक गतिमा कुदाएर मान्छे मार्ने र सर्वसाधारण तर्साउने काम बन्द भएको छैन ।

शनिबार पुनः टिपरले जनकपुर–ढल्केवर सडक खण्डमै मोटरसाइकल चालकको ज्यान लिएको हो । ज्यान जानेमा धनुषाधाम नगरपालिका–५, नौसय बिघाका २६ वर्षीय उमेश दास रहेको प्रहरीले जनाएको छ ।

दिउँसो ढल्केवरबाट जनकपुरतर्फ आउँदै गरेको बा. ८ ख. ११७० नम्बरको टिपरले विपरित दिशाबाट जाँदै गरेको ज १० प ८४३२ नम्बरको मोटरसाइकललाई क्षिरेश्वर नगरपालिका–५, महेन्द्रनगर पुल नजिक ठक्कर दिँदा मोटरसाइकल चालकको घटनास्थलमा नै ज्यान गएको हो ।

दासलाई उपचारको लागि जनकपुर अञ्चल अस्पताल पुर्याउन खोजे पनि उहाँको अस्पताल नै नपुगी ज्यान गएको प्रहरीले जनाएको छ । ठक्कर दिने टिपर र मोटरसाइकल इलाका प्रहरी कार्यालय महेन्द्रनगरको नियन्त्रणमा रहेको जनाएको छ ।

गएको फागुन २१ गते जनकपुर–ढल्केवर सडक खण्डकै नक्टाझिजमा बटेश्वर गाउँपालिका–२, भूचक्रपुरको राष्ट्रिय प्राथमिक विद्यालय रमौलीटोलका शिक्षक ५० वर्षका हरिनारायण यादवको टिपरले ज्यान लिएपछि फागुन २२ गतेदेखि टाफिक प्रहरी कार्यालय धनुषाले टाइमकार्ड लागू गरेको थियो ।

अन्तिम अपडेट: पुस २, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

शैलेन्द्र महतो

शैलेन्द्र महतो उज्यालोका धनुषा सहकर्मी हनुहुन्थ्यो।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्