भारतीय विदेश सचिव नेपाल आउँदै

कात्तिक २५, २०७७ मंगलबार १२:५३:२५ | उज्यालो सहकर्मी

काठमाण्डाै – भारतीय विदेश सचिव हर्षवर्धन श्रृंगला नेपाल आउने हुनुभएको छ । भ्रमणको मिति तय भइनसके पनि मङ्सिरमा उहाँ नेपाल आउने परराष्ट्र मन्त्रालयले जनाएको छ ।

नेपाल भ्रमणको मिति तोकिएपछि सार्वजनिक गर्ने मन्त्रालयको तयारी छ । भारतको 'द हिन्दूस्तान टाइम्स' ले भने श्रृंगला नोभेम्भर २६ र २७ तारिख अर्थात् मङ्सिर १० र ११ गते काठमाण्डौ जाने जनाएको छ । दुई दिने नेपाल भ्रमणका क्रममा दुई देशबीच सिमा विवादबारे औपचारिक रुपमा कुराकानी हुने खबरमा उल्लेख गरिएको छ ।

दुई देशबीच भइरहेको विवाद समाधान गर्दै सम्बन्ध सुधारका लागि उहाँले छलफल थाल्ने जनाइएकाे छ । भारतीय सेना प्रमुख मनोज मुकुन्द जनरल नरवणेको तीन दिने नेपाल भ्रमणपछि विदेश सचिव श्रृंगलाको नेपाल भ्रमण हुन लागेको हो ।

नरवणेले नेपाल भ्रमणका क्रममा प्रधानमन्त्री केपी शर्मा ओलीसँग भेटवार्ता गर्नुभएको थियो । नरवणेको नेपाल भ्रमणलाई 'द हिन्दूस्तान टाइम्स' ले महत्त्वपूर्ण भ्रमणको संज्ञा पनि दिएको छ ।

सीमा विवादका कारण नेपाल र भारतबीच विगत लामो समयदेखि सम्बन्ध चिसिएको छ । नेपालले लिम्पियाधुरा, लिपुलेक र कालापनी समेटेर नयाँ नक्सा जारी गरेपछि भारत चिढिएको छ ।

यस्तै, भारतले आफ्नो धार्चुला क्षेत्रको पिथौरागढ हुँदै नेपालको दार्चुलाको गुन्जी क्षेत्रबाट लिपुलेक पुग्ने सडक मार्ग खोले छ । सडक खनेको मार्ग आफ्नै भएको भारतले दाबी गर्दै आएको छ । तर यो भूमि नेपालकै भएको इतिहासविद्ले बताउने गरेका छन् । सीमा विवाद बढ्दै गए पनि दुई देशबीच औपचारिक संवाद हुन सकेको छैन ।

अन्तिम अपडेट: मंसिर ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्