ठेक्का लागेको एक वर्षपछि बल्ल काम सुरु

कात्तिक २५, २०७७ मंगलबार १९:१४:४४ | शिव ढुंगाना

ओखलढुङ्गा – सदरमुकाम ओखलढुङ्गा–रुम्जाटार जोड्ने सडकको बीच भागमा रहेको सिस्ने खोलामा पक्की पुल बनाउने काम ठेक्का लागेको एक वर्षपछि बल्ल सुरु भएको छ ।

ठेकेदारले काम नगरेपछि सङ्घीय संसद्को विकास तथा प्रविधि समितिका सदस्य सांसद यज्ञराज सुनुवार, सिद्धिचरण नगरपालिकाका मेयर मोहन श्रेष्ठ, प्रमुख जिल्ला अधिकारी कृष्ण पौडेलसहितको टोलीले अनुगमन गरेर तत्काल काम थाल्न निर्देशन दिएको थियो । अनुगमन टोलीको निर्देशनपछि ठेकेदारले जग खन्ने काम थालेको छ ।

२०७६ साल मङ्सिर २४ गते ठेक्का सम्झौता भएको पुलको एक वर्षपछि जग खन्ने काम सुरु भएको हो । २६ मिटर लामो मोटरेबल पुल निर्माण गर्न अर्याल ब्रदर्स जेभीसँग सम्झौता भएको थियो । राष्ट्रिय पुनर्निर्माण प्राधिकरण भूकम्पीय आपत्कालीन सहयोग परियोजना अन्तर्गत निर्माण हुने पुलको गएको पुसमा शिलान्याससमेत भएको थियो ।

ओखलढुङ्गा–रुम्जाटार सडक खण्डमा पक्की पुल नहुँदा वर्षायाममा बाढी आउँदा यातायात सञ्चालनमा अवरोध हुने गरेको छ । ओखलढुङ्गबाट रुम्जाटार हुँदै चिशङ्खुगढी गाउँपालिका केन्द्र जोड्ने मुख्य सडकको बीचमा पुल निर्माण सकिने अवधिभर ठेकेदारले काम नगरेको हो ।

म्याद सकिनै लाग्दा काम सुरु गरेकाले यस वर्ष पनि समयमै पुल निर्माण हुनेमा अन्योल छ ।

अन्तिम अपडेट: मंसिर १, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

शिव ढुंगाना

शिव ढुंगाना ओखलढुंगाका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्