बाइकले ठक्कर दिँदा वृद्धाकाे ज्यान गएपछि बन्द गराइएकाे राजमार्ग खुल्यो

कात्तिक २५, २०७७ मंगलबार २०:७:१५ | विमल बिष्ट

डोटी – मोटरसाइकलको ठक्करबाट डोटीमा एक जनाको ज्यान गएपछि बन्द गरिएको राजमार्ग खुलेको छ ।

मङ्गलबार बिहान मोटरसाइकलले ठक्कर दिँदा दिपायल सिलगढी नगरपालिका ४ को पिपल्लाकी ७० वर्षीया टिकेश्वरी विकको ज्यान गएपछि मृतकका आफन्तले गरेको डा. केआईसिंह राजमार्गमा पर्ने पिपल्ला बजार बन्द गरेका थिए ।

ठक्कर दिने मोटरसाइकल चालक परार भएपछि पीडित पक्षले उचित क्षतिपूर्तिको माग गर्दै मङ्गलबार बिहान ११ बजेदेखि राजमार्ग बन्द गरेका थिए । फरार भएका चालक पक्राउ नपरे पनि मोटरसाइकल धनी कैलालीका शुभाष अधिकारीलाई कैलाली प्रहरीले नियन्त्रणमा लिएपछि बन्द खुलेको हो ।

राजमार्ग खुलेपछि दिपायलको पिपल्लामा रोकिएका सवारीसाधन तथा यात्रुहरु अहिले आ–आफ्नो गन्तव्यतिर लागेका छन् । विकलाई से ५ प ९४६९ नम्बरको मोटरसाइकलले ठक्कर दिँदा उपचारका क्रममा शैलेश्वरी अस्पताल दिपायल पिपल्लामा ज्यान गएको थियो ।

ठक्कर दिने चालक फरार भए पनि चाँडै नै पक्राउ गरिने जिल्ला प्रहरी कार्यालय डोटीका मुद्दा फाँटका प्रहरी निरीक्षक कान्ति जोशीले बताउनुभयो ।

अन्तिम अपडेट: मंसिर १२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

विमल बिष्ट

विमल बिष्ट डोटीका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्