बोल्ड सिन दिँदा घरमा समस्या छैनः सोनम, करीनाको लुगा देखेर सैफ रिसाए

जेठ १६, २०७५ बुधबार १५:१७:२२ | उज्यालो सहकर्मी

जेठ १६ – फिल्म ‘वीरे दी वेडीङ’ का कारण अहिले अभिनेत्री सोनम कपूर र करीना कपूर खान चर्चामा छन् । फिल्ममा सोनम र करीना निकै बोल्ड अवतारमा देखिएका छन् ।

फिल्ममा बेडरुम, बाथरुम अनि कयौं बोल्ड सिन र गालीहरुले भरिएका कैयन् डायलगहरु छन् । अहिले यस फिल्मको प्रमोशनका लागि अभिनेत्री सोनम कपूर, करीना कपूर खान, स्वरा भास्कर र शिखा तल्सानिया प्रमोशनमा सक्रिय भएका छन् ।

फिल्म ‘वीरे दी वेडीङ’ प्रमोशनको एक कार्यक्रममा सोनमले आफू आफ्ना प्रत्येक फिल्महरुबाट रुढीवादलाई तोड्ने कोशिश गरिरहेको हुने बताइन् । सोनमले भनेकी छिन्, ‘म जुन फिल्म गर्छु, म चाहन्छु त्यस फिल्मबाट कुनै न कुनै तरिकाले रुढीवादलाई तोड्न सकौं र यूवाहरुलाई पे्ररित गर्न सकौं । महिला वा पुरुष जे भए पनि उ अगाडि बढोस् र उसले कुनै न कुनै तरिकाले रुढीबादलाई तोड्न सक्ने सोच राखोस् ।’

सोनमले यही महिनाको ८ तारिखमा उनका प्रेमी आनन्द आहुजाका साथ विवाह गरेकी थिइन् । उनको फिल्म ‘वीरे दी वेडीङ’ मा बोल्ड सीन तथा गालीमिश्रित सम्बादहरु धेरै छन् । प्रमोशनको एक कार्यक्रममा यही प्रश्न उठ्दा सोनमले भनिन्, ‘मेरो माइती र घरको परिवारलाई मेरो यस किसिमको चरित्रप्रति कुनै समस्या छैन । यो मेरो काम हो र यसमा मलाई कुनै संकोच छैन । मेरो घरबाट मैले राम्रो प्रतिक्रिया पाएकी छु । फिल्मको ट्रेलर हेरेर आनन्दको परिवारले मेरो प्रशंसा गरेका थिए ।’

करीनाको लुगा देखेर सैफ रिसाए

अर्की अभिनेत्री करीना कपूर खानले यसै फिल्मको प्रमोशनको एक कार्यक्रममा आफूले फिल्ममा लगाएको लुगा देखेर उनका पति रिसाएको बताएकी छिन् । करीनाले लगाएको लुगा देखेर करीनाका पति तथा अभिनेता सैफ अलि खानले करिनालाई अर्को लुगा लगाउन भनेका थिए ।

यस कुराको खुलासा स्वयम करीनाले गरेकी हुन । करीनाले भनिन, ‘सैफले मेरो लुगा देखेर भने ‘यो कस्तो लगाएको ? तिमी भित्र भएर अर्को लुगा लगाएर आउ ।’
तर पछि करीनाले त्यही लुगा लगाएर गएको कार्यक्रमका फोटाहरु देखाउँदा सैफले राम्रो देखिएको प्रतिक्रिया दिएका थिए ।

फिल्म ‘वीरे दी वेडीङ’ महिलाहरुलाई ध्यानमा राखेर बनाइएको फिल्म हो । यसमा चार जना साथीहरुले गर्ने रमाईलो र उनीहरुको जीवनमा घट्ने घटनाहरुलाई देखाइएको छ । यो फिल्म २०१८ को जून १ मा प्रदर्शन हुनेछ ।

अन्तिम अपडेट: मंसिर ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्