रणवीर र दीपिकाको विवाहमा माेबाइल फाेन ‘नाे एण्ट्री’

साउन ३१, २०७५ बिहीबार १४:१८:३५ | उज्यालो सहकर्मी

बलिउड अभिनेता रणवीर सिंंह र दीपिका पादुकोणको विवाहको टुंगो लागेसँगै मिडियामा अहिले यी जोडीको विवाहको खबर चर्चामा रहेको छ ।

यो वर्षको नोभेम्बरमा ईटालीको लेक कोमोमा एकदमै थोरैको संख्यामा उपस्थित पाहुनाहरुबीचमा दीपिका र रणवीरको विवाह हुन लागेको छ ।
दीपिका र रणवीर यस विवाहलाई एकदमै विशेष तरिकाले सम्पन्न गर्ने तयारीमा लागेका छन साथमा विवाह समारोहलाई नीजि तरिकाले सम्पन्न गर्नका लागि हरसम्भव प्रयासमा लागेका छन् ।

हालै सार्वजनिक खबरहरुका अनुसार यि जोडीले गोपनीयतालाई ध्यानमा राख्दै ईटालीमा नोभेम्बर २० मा सम्पन्न हुने विवाहमा सहभागी पाहुनाहरुलाई मोबाईल फोन नलिई आउन अनुरोध गर्नेछन् ।

यसरी मोबाइल फोन प्रतिबन्ध गर्नुको कारण विवाहमा लिइने तस्विरहरु हुन् ।

किनकि यसअघि अनुष्का र विराटको विवाहमा मोबाइलबाट लिइएका तस्विरहरु सामाजिक सञ्जालमा भाइरल भएका थिए । यही कुरा दीपिका र रणवीरले आफ्नो विवाहमा दोहोर्‍याउन चाहँदैनन् ।

तसर्थ रणवीर सिंह र दीपिका पादुकोणको विवाह समारोहमा आमन्त्रित पाहुनाहरुलाई मोबाइल फोनविना नै उपस्थित हुन आग्रह गरिने भएको हो ।

खबरहरुका अनुसार ईटालीमा हुने विवाहका तस्बिरहरु रणवीर र दीपिका स्वयंले आफ्ना फ्यानहरुका लागि सार्वजनिक गर्नेछन् ।

अन्तिम अपडेट: मंसिर १४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्