ट्रम्प समर्थकले फेरि हिंसात्मक प्रदर्शन गर्नसक्ने एफबीआईको चेतावनी

पुष २८, २०७७ मंगलबार ११:४९:१६ | उज्यालो सहकर्मी

काठमाण्डाै - अमेरिकामा राष्ट्रपति डोनाल्ड ट्रम्पका समर्थकले फेरि हिंसात्मक प्रदर्शनको तयारी गरेका सङ्घीय अनुसन्धान ब्यूरो एफबीआईले जनाएको छ ।

एफबीआईले आउँदा दिनमा राष्ट्रपति ट्रम्पका समर्थकहरुले हतियारसहित हिंसात्मक प्रदर्शनको तयारी गरेका चेतावनी दिएको बीबीसीले जनाएको छ । राष्ट्रपतिमा निर्वाचित जो बाइडेनको शपथको दिनसम्म सबै ५० राज्यमा हतियारसहित प्रदर्शनको तयारी भइरहेको सूचना प्राप्त भएको एफबीआईलाई उदृत गर्दै बीबीसीले जनाएको छ ।

आउँदो २० तारिखमा हुने शपथग्रहण समारोहलाई प्रभावित पार्नका लागि उनीहरुले तयारी थालेका खबरमा उल्लेख गरिएको छ । यसअघि गएको बुधबार राष्ट्रपति ट्रम्पका हतियारधारी समर्थकले संसद भवनमा आक्रमण गरेका थिए । यो आक्रमणमा एक जना प्रहरी अधिकारीसहित पाँच जनाको ज्यान गएको थियो ।

यो प्रदर्शनपछि दबाबमा रहेका राष्ट्रपति डोनाल्ड ट्रम्पले आफूले सहजै सत्ता हस्तान्तरण गर्ने घोषणा गर्नु भएको थियो । हिंसात्मक आक्रमणका लागि उक्साएको आरोपमा ट्रम्पमाथि तल्लो सदनमा महाअभियोग प्रस्ताव दर्ता समेत भएको छ । तल्लो सदनका सभामुख न्यान्सी पेलोसीले ट्रम्पका कारण प्रजातन्त्र र संविधानमाथि तत्काल खतरा रहेको बताउनु भएको छ ।

अन्तिम अपडेट: मंसिर ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्