‘प्रधानमन्त्रीको साथमा गाली रुचाउने कार्यकर्ताबाहेक कोही छैनन्’

माघ १, २०७७ बिहीबार १९:३६:३४ | उज्यालो सहकर्मी

काठमाण्डाै – नेपाल कम्युनिस्ट पार्टी (नेकपा) को प्रचण्ड–नेपाल समूहले प्रतिनिधि सभा विघटनको विरुद्धमा काठमाण्डौ केन्द्रित आन्दोलनलाई थप सशक्त बनाउने निर्णय गरेको छ ।

पार्टीकाे केन्द्रीय कार्यालय पेरिसडाँडामा बिहीबार (आज) बसेको स्थायी कमिटीको बैठकले काठमाण्डौमा कार्यकर्ताको व्यापक उपस्थिति जनाउने गरी सडक आन्दोलनलाई चर्काउने निर्णय गरेको हो ।

गएकाे पुस १४ गते भएको सडक आन्दोलनमा ठूलो जनसहभागिता भए पनि त्यसपछि खासै सडक आन्दोलन नभएको र अब हुने आन्दोलनमा ठूलै भिड जम्मा गर्ने बैठकले निर्णय गरेको नेता रघुजी पन्तले बताउनुभयो ।

अहिले प्रधानमन्त्री केपी शर्मा ओली एक्लिँदै गएको र उहाँको छवि धुमिलिएको बैठकले निष्कर्ष निकालेको छ । सम्पूर्ण बौद्धिक जगत, स्वतन्त्र विज्ञ, संविधानविद्, पूर्वप्रधानन्यायाधीश, प्राध्यापकलगायतको वर्ग ओलीको कदमको विपक्षमा रहेकाले आफूहरूको नैतिक जित भइरहेको पनि प्रचण्ड–नेपाल समूहको निष्कर्ष रहेको छ ।

‘कुनै पनि बौद्धिक व्यक्तित्व ओलीको पक्षमा छैनन्, गाली रुचाउने कार्यकर्ताबाहेक कसैले पनि साथ दिएको छैन, यस्तो अवस्थामा हाम्रो आन्दोलनलाई थप सशक्त बनाउने अवसर रहेको विषयमा पनि छलफल भयो’, एक स्थायी कमिटी सदस्यले उज्यालोलाई जानकारी दिए ।

प्रधानमन्त्री ओलीले अत्यन्तै अमर्यादित हिसावले भाषणबाजी गरिरहेको र यसले उहाँकै इज्जत थप खस्किएको विषयमा पनि बैठकमा छलफल भएको थियो । स्थायी कमिटीको अर्को बैठक शुक्रबार (भोलि) बस्नेछ ।

पहिलेको सिङ्गो नेकपाका ४५ जना स्थायी कमिटी सदस्यमध्ये प्रचण्ड–नेपाल समूहमा २८ जना रहेका छन् । यो समूहले कृष्णबहादुर महरालाई पनि स्थायी कमिटी सदस्य बनाएको छ ।

अन्तिम अपडेट: माघ १३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

‘प्रधानमन्त्रीको साथमा गाली रुचाउने कार्यकर्ताबाहेक कोही छैनन्’

फाइल फाेटाे

तपाईको प्रतिक्रिया