रुसका विपक्षी नेता नभाल्नीकाे पक्राउप्रति बाइडेनको टोलीद्वारा निन्दा

माघ ५, २०७७ सोमबार १०:१४:४७ | उज्यालो सहकर्मी

काठमाण्डाै - रुसका विपक्षी नेता नभाल्नीलाई पक्राउ गरेकोमा अमेरिकाका नव-निर्वाचित राष्ट्रपति बाइडेनको टोलीले निन्दा गरेको छ ।

रुसका राष्ट्रपति भ्लादिमिर पुटिनका कट्टर आलोचक एवम् विपक्षी नेता एलेक्सी नभाल्नीलाई प्रहरीले पक्राउ गरेको छ । जर्मनीमा उपचारपछि स्वदेश फर्केका ४४ वर्षका नभाल्नीलाई मस्को पुग्नासाथ प्रहरीले पक्राउ गरेको बीबीसीले जनाएको छ । उहाँ पाँच महिनापछि स्वदेश पुग्नुभएको थियो ।

अमेरिकाको राष्ट्रपति निर्वाचित जो बाइडेनको टोलीले नभाल्नीलाई तत्काल रिहा गर्न माग गरेको छ । बाइडेनले राष्ट्रिय सुरक्षा सल्लाहकारमा मनोनित गरेका जेक सुलिभान, युरोपेली परिषद्का अध्यक्ष चाल्र्स मिसेललगायतले नभाल्नीको पक्राउलाई ‘अस्वीकार्य’ भनेका छन् ।

गएकाे अगस्टमा मस्को जाँदै गर्दा नभाल्नी विमानभित्रै बेहोस हुनुभएको थियो । उहाँलाई थप उपचारका लागि जर्मनी लगिएको थियो । फ्रान्सेली र स्विडिस प्रयोगशालामा गरिएको परीक्षणमा नभाल्नीलाई बेहोस बनाउने सोभियतकालीन रसायन ‘नोभिचोक’ विष खानामा मिसाएर खुवाइएको पाइएको जर्मनीले बताउँदै आएको छ ।

विमानस्थलमा नभाल्नीले आफूविरुद्ध लगाइएको जालसाजी मुद्दा झुटो रहेको दाबी गर्नुभएको छ ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्