मकवानपुरकाे राक्सिसाङ गाउँपालिका १ का वडाध्यक्षलाई प्रहरीले अभद्र व्यवहारकाे मुद्दा चलायाे

फागुन ९, २०७७ आइतबार १९:३९:५२ | हरि हुमागाईं

मकवानपुर – मकवानपुरको राक्सिराङ गाउँपालिका १ का वडाध्यक्ष कान्छाराम रुम्बाले अभद्र व्यवहार गरेको भन्दै प्रहरीले मुद्दा चलाएको छ । गाँजा नष्ट गरेर फर्किएको प्रहरी टोलीमाथि अभद्र व्यवहार गरेको भन्दै मुद्दा दर्ता गरिएको जिल्ला प्रहरी कार्यालय मकवानपुरका प्रहरी उपरीक्षक (एसपी) सोमेन्द्र सिंह राठोरले जानकारी दिनुभयो ।

मकवानपुर प्रहरीले शनिबार राति राक्सिराङ गाउँपालिका १ गाल्छाराङकाे बारीमा लुकाएर राखेको १८ क्विन्टल गाँजा जलाएर नष्ट गरेको हाे । जिल्ला प्रहरी कार्यालय मकवानपुरबाट प्रहरी सहायक निरीक्षक (असई) शिवराज गुरुङको कमाण्डमा इलाका प्रहरी कार्यलय नेवारपानीसहित खटिएको ११ जनाको संयुक्त प्रहरी टोलीले गाउँपालिका १ गाल्छाराङमा बारीमा लुकाएर राखेको १८ क्विन्टल गाँजा जलाएर नष्ट गरेको हाे ।

प्रहरी गाँजा जलाएर फर्कने क्रममा बाटो छेकेकाे भन्दै त्यही वडाका वडाध्यक्ष कान्छाराम रुम्बालाई पक्राउ गरेर थप अनुसन्धान भइरहेको जनाइएको छ । कुपिनटारकाे सडकमा स्थानीयको अवरोधपछि प्रहरीको काम कारबाहीमा बाँधा पुर्‍याउनुका साथै प्रहरीमाथि हातपात भएको भन्दै स्थितिलाई नियन्त्रणमा लिन प्रहरीले दुई राउण्ड हवाई फायर गरेको थियाे ।

अन्तिम अपडेट: मंसिर ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

हरि हुमागाईं

मकवानपुरका उज्यालो सहकर्मी हरि हुमागाईं नेपाल पत्रकार महासंघको पूर्व जिल्ला अध्यक्षसमेत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्