विराटनगर महानगरपालिकाका मेयरले पाए सुरक्षा गार्ड

भदौ ३, २०७५ आइतबार १८:१३:२९ | सुमन तिमल्सिना

मोरङ – विराटनगर महानगरका मेयर भीम पराजुलीले सुरक्षाको चुनौती बढेको भन्दै सुरक्षा गार्ड लिएका छन् ।

केही दिनअघि मात्र विराटनगर महानगरपालिकामा बम बिस्फोट भएपछि सुरक्षा चुनौती बढेको भन्दै उनले गार्ड लिएका हुन् । जिल्ला सुरक्षा समितिको आइतबार विराटनगरमा बसेको बैठकले मेयर पराजुलीलाई सुरक्षा गार्ड दिने निर्णय गरेको हो ।

सुरक्षा समितिको बैठकको निर्णय आए लगत्तै पराजुलीले सुरक्षा गार्ड लिएर हिँड्न थालेको मेयरका प्रेस संयोजक कौशल निरौलाले जानकारी दिनुभयो ।

मेयरले सुरक्षा गार्ड लिएर हिँडे पनि कार्यालयको सुरक्षाको लागि राखिएको सीसी क्यामेराको फुटेज नपाउँदा प्रहरीलाई भने बम आक्रमण गर्नेको पहिचान गर्न समस्या भएको छ । जिल्ला प्रहरी कार्यालय मोरङका प्रहरी उपरीक्षक मनोक केसीले कार्यालयको सुरक्षाको लागि भन्दै राखिएको सीसी क्यामेराको फुटेज नभेटिएपछि प्रहरीलाई काम गर्न गाह्रो भएको बताउनुभएको छ ।

संचारकर्मीले बम आक्रमणको सीसी क्यामेरा फुटेजबाट केही पत्ता लाग्यो भन्दा जवाफ दिने अवस्थामा देखिँदैन । बम बिस्फोट भएको बेलामा कुनै पनि सीसी क्यामेरा फुटेज रेकर्डको अवस्थामा नराखिएको कारण दोषी पत्ता लगाउन गाह्रो भएको उहाँले बताउनुभयो । तर अहिले पनि अनुसन्धान र खोजी जारी रहेको एसपी केसीको भनाई छ ।

अन्तिम अपडेट: मंसिर ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सुमन तिमल्सिना

सुमन तिमल्सिना मोरङका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्