एक गाउँ, जहाँ महिला र पुरुषले बोल्छन् ‘फरक–फरक भाषा’

भदौ ७, २०७५ बिहीबार ९:२८:१६ | उज्यालो सहकर्मी

संसारमा यस्ता पनि गाउँ छन्, जहाँ पुरुष र महिलाले बोल्ने भाषा नै फरक रहेको छ ।

नाइजेरीयाको उबाङ भन्ने गाउँमा महिलाले र पुरुषले फरक–फरक भाषा बोल्ने गरेका छन् । नाइजेरियाको दक्षिण क्षेत्रमा पर्ने कृषिप्रधान गाउँ उबाङमा पुरुषले बोलेका भाषा महिला बोल्दैनन र महिलाले बोलेको भाषा पुरुषले बोल्दैनन् । अर्थात उनीहरु फरक फरक भाषा बोल्छन् ।

उनीहरु त्यस्तो विशेषता हुनु भगवानले दिएको बरदान सम्झन्छन् । अंग्रेजी भाषा भने सबैको साझा रहेको छ तर पनि अंग्रेजी भाषा लोप हुने अवस्थामा पुगेको बीबीसीले उल्लेख गरेको छ । उबाङ समुदायका प्रमुख ओलिभर इबाङले आफ्ना दुई छोराछोरीलाई बोलाउछन् र याम ‘पिँडालु’ देखाउँदै छोरीलाई सोध्छन्, ‘ह्वाट इट इज कल्ड’(यसलाई के भनिन्छ)

छोरीले नहिच्किचाइ भन्छिन, ‘इरुइ’

तर त्यो यामलाई पुरुषको भाषामा इतोङ भनिन्छ । यस्ता थुप्रै शब्दहरु जो महिला र पुरुषले फरक तरिकाले बुझ्ने गरेका छन् । त्यस समुदायको अध्ययन गरेका मानवशास्त्री चि चि उण्डाइ भन्छन्, ‘दुई लिङ्गले फरक फरक भाषको प्रयोग गर्छन् ।’

Community members say the sexes understand each other but only use the language of their sex

‘पुरुष र महिला दुवैले प्रयोग गर्ने धेरै शब्दहरु छन्’, मानवशास्त्री उण्डाइ भन्छन्, ‘पुरुष र महिलाले प्रयोग गर्ने केही शब्दहरु पूर्ण रुपमा फरक छन् । उनीहरुको उच्चारण, शब्द र भाषा नै फरक हुने गरेको छ ।’

पुरुष र महिलाले फरक–फरक बोले पनि एक अर्काको भाषा दुवैले राम्रोसँग बुझ्छन् । बच्चाहरु हुर्काउँदा नै उनीहरुले दुवैको भाषा बोल्न सिकेका हुन्छन् । पुरुष १० वर्षका भएपछि ‘पुरुष भाषा’ बोल्न थाल्छन् ।

Chief Oliver Ibang.

उबाङ समुदायका प्रमुख ओलिभर इबाङ

ओलिभर इबाङले भने, ‘महिला र पुरुषले आफ्नो भाषा बोल्न थाल्ने एक चरण आउछ । पुरुषलाई आफूले बोलिरहेको भाषा सहि नभएको अनुभव हुन्छ र उसले ‘पुरुष भाषा’ बोल्न थाल्छ । उसलाई कसैले पुरुष भाषा बोल्न लगाएको हुँदैन । जब उसले ‘पुरुष भाषा’ बोल्न थाल्छ तब उसमा परिपक्वता आउन सुरु गर्छ ।’

बच्चाको उमेर पुगेपछि आफ्नो भाषा बोल्न थालेन भने त्यो व्यक्ति असामान्य रहेको बुझिने उनले बताए । उबाङका नागरिकहरु आफ्नो समुदायमा पुरुष र महिलाको फरक फरक भाषा हुनु गर्वको विषय रहेको बताउँछन् । फरक फरक भाषा हुनु नै आफ्नो फरक पहिचान भएको उनीहरुको बुझाइ छ ।

उबाङ समुदायका प्रमुख भन्छन्, ‘भगवानले एडम र इभ बनाएका थिए र उनीहरु नै उबाङ नागरिक हुन् ।’ उनीहरु आफूलाई विश्वमा अन्य मान्छेभन्दा फरक भएको बताउँछन् ।

–बीबीसीबाट

अन्तिम अपडेट: मंसिर १५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्