माेदी विराेधी पाेस्टर शेयर गर्दै राहुल गान्धीकाे ट्वीट : मलाई पनि पक्राउ गर

 जेठ २, २०७८ आइतबार १५:२०:५२ | एजेन्सी
unn.prixa.net

तस्बिर : आम आदमी पार्टी ट्विटर

काठमाण्डाै – भारतीय प्रहरीले प्रधानमन्त्री नरेन्द्र मोदीको विरोधमा पोस्टर टाँस्नेलाई पक्राउ गर्न थालेको छ । प्रधानमन्त्री मोदीको आलोचना गर्ने र विरोधमा पोस्टर टाँस्ने २५ जना पक्राउ परेका बीबीसी हिन्दीले लेखेको छ ।

राजधानी दिल्लीमा प्रधानमन्त्री मोदीको आलोचना गरिएको पोस्टर टाँस्ने क्रम बढेपछि प्रहरीले पाेस्टर टाँस्नेलाई पक्राउ गर्न थालेको हो । पक्राउ पर्नेमा धेरैजसो गरिब र मजदुर रहेका पनि खबरमा उल्लेख गरिएको छ ।

भारतीय सञ्चारमाध्यम 'इन्डियन एक्सप्रेस' का अनुसार दुई छाक जोहो गर्न पैसाका लागि उनीहरूले यो पोस्टर टाँसेको पाइएको छ । पोस्टरमा आफ्ना बालबालिकालाई दिइने खोप किन विदेश निर्यात गरेको भन्दै प्रश्न गरिएको छ ।

प्रधानमन्त्री मोदीविरुद्ध पोस्टर टाँस्नेहरू पक्राउ पर्न थालेपछि भारतीय कांग्रेस लगायतका दलले विरोध गरेका छन् । भारतीय कांग्रेस पार्टीका नेता राहुल गान्धीले माेदीकाे विराेध गरिएकाे पाेस्टर शेयर गर्दै आफूलाई पक्राउ गर्न चुनाैती दिनुभएकाे छ । 

केही समययता भारतमा कोरोना महामारी फैलिए पनि सरकारले रोकथाममा ध्यान नदिएको भन्दै नरेन्द्र मोदी नेतृत्वको सरकारको आलोचना भईरहेको छ । प्रधानमन्त्री मोदीले कोरोना रोकथामका लागि भन्दा पनि आफ्नो आलोचना दबाउन बढी समय खर्चिएको टिप्पणी हुन थालेको छ ।  

अन्तिम अपडेट: मंसिर ११, २०८१

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

समाचार

लोकप्रिय

१

एनपीएलको उद्घाटन खेलकाे सबै टिकट बिक्री, ३३ लाख रुपैयाँभन्दा धेरै आम्दानी

२

युक्रेनद्वारा रुसमाथि अमेरिकी क्षेप्यास्त्र आक्रमण

३

दुर्गा प्रसाईंलाई थुनामुक्त गर्न सर्वाेच्चद्वारा अस्वीकार

४

उत्तर र दक्षिण कोरियाको सीमावर्ती क्षेत्रमा 'लाउडस्पिकर' युद्ध चर्कियो

विचार

उज्यालो टी भी

वैदेशिक रोजगारीमा जादा सुरक्षित हुने तरिका

मनोपरामर्शले बदलेको जीवन कथा

विदेशबाट श्रीमान् फर्काउने साहस बटुलेका वित्तीय कक्षा सहभागीका कथा

मेरो कथा मेरो भोगाई