गुल्मीमा अक्सिजन प्लान्टका लागि महासङ्घद्वारा ६० लाख रुपैयाँ प्रदान

जेठ १०, २०७८ सोमबार १९:०:२७ | जनार्दन घिमिरे

गुल्मी – नेपाल पत्रकार महासङ्घ गुल्मीले जिल्लामा अक्सिजन प्लान्ट स्थापानाका लागि गुल्मी अस्पताल तम्घासलाई ६० लाख रुपैयाँ प्रदान गरेको छ । अक्सिजन अभावका कारण बिरामीको ज्यान जान थालेपछि अक्सिजन अभियानमा जुटेका गुल्मेली पत्रकारको पहलमा सङ्कलित रकम सोमवार गुल्मी अस्पताललाई हस्तान्तरण गरिएको हो ।

जिल्ला समन्वय समितिका प्रमुख लक्ष्मण पराजुली, प्रमुख जिल्ला अधिकारी रुद्रादेवी शर्मा, राजनीतिक दलका नेता, नागरिक समाजलगायतको उपस्थितिमा गुल्मी अस्पताल विकास समितिका अध्यक्ष गोपाल पाण्डेय र मेसु डाक्टर उत्तम पच्यालाई महासङ्घको तर्फबाट ६० लाख रुपैयाँको चेक प्लान्ट निर्माणका लागि हस्तारण गरिएको हो ।

पत्रकार महासङ्घ गुल्मीले गएको वैशाख २५ गतेदेखि जिल्लामा अक्सिजन अभियान सञ्चालन गरेको थियो । अभियानमार्फत सङ्कलित ५० लाख र जिल्ला समन्वय समिति गुल्मीले महासङ्घलाई प्रदान गरेको १० लाख गरी ६० लाख रुपैयाँको चेक अक्सिजन प्लान्टक बनाउन अस्पताललाई प्रदान गरिएको महासङ्घका अध्यक्ष टोपलाल अर्यालले जानकारी दिनुभएको छ । केही समयअघि पनि महासङ्घले अक्सिजनको अभाव बढेपछि पाँच लाख रुपैयाँको २० वटा ठूला अक्सिजन सिलिन्डर अस्पतालाई प्रदान गरेको थियो ।

यस्तै महासङ्घले सञ्चालन गरेको अभियानमा स्वदेश तथा विदेशबाट गरी ७० लाखभन्दा बढी रकम सङ्कलन भएको अभियन्ता तारा भुसालले बताउनुभएको छ ।

गुल्मी अस्पतालमा अक्सिजन प्लान्ट स्थापना गर्नका लागि नेपाल सरकारको तर्पmबाट परराष्ट्र मन्त्री प्रदीपकुमार ज्ञवालीको पहलमा एक करोड र आईसीयूको लागि दुई करोड रुपैयाँ विनियोजन भएको छ ।

अन्तिम अपडेट: मंसिर ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

जनार्दन घिमिरे

गुल्मीका क्रियाशील पत्रकार जनार्दन घिमिरे लामो समयदेखि उज्यालोमा कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्