जुम्ला बजारमा फोहरकाे थुप्रो, मानव अधिकार आयोगको चासो

असार १५, २०७८ मंगलबार १७:५६:७ | नेत्र शाही

जुम्ला – जुम्ला बजारमा फोहर व्यवस्थापनको विषयमा राष्ट्रिय मानव अधिकार आयोगले चासो देखाएको छ । फोहर व्यवस्थापन हुन नसक्दा चौतर्फी आलोचना बढेपछि राष्ट्रिय मानव अधिकार आयोगले नगरपालिकालाई पत्राचार गरेर चासो व्यक्त गरेको हो ।

आयोगले चन्दननाथ नगरपालिकालाई दिएको पत्रमा संविधानको धारा ३० को नागरिकको स्वच्छ तथा स्वास्थ्य वातावरणमा बाँच्न पाउने मौलिक हक कार्यान्वयनबारे नगरपालिको सहरी क्षेत्र अनुगमन गर्दा फोहरमैलाको उचित व्यवस्थापन हुन नसकेको पाइएको बताइएको छ ।

आयोगका अधिकृत किरण बरामद्वारा हस्ताक्षरित पत्रमा फोहरमैला व्यवस्थापनका विषयमा भएका कामको जानकारी दिनसमेत भनिएको छ । पत्रमा भनिएको छ, ‘स्थानीय सरकार सञ्चालन ऐन २०७४ को दफा १२ ग को बुँदा ११ र फोहरमैला व्यवस्थापन ऐन २०६८ को दफा ३ र ४ कार्यान्वयन सम्बन्धमा त्यहाँ कार्यालयबाट भइरहेका कार्य एवम् प्रगतिबारे यथाशीघ्र जानकारी उपलब्ध गराइदिनु हुन अनुरोध छ ।

सदरमुकाममा फोहर व्यवस्थापन हुन नसक्दा दुर्गन्ध फैलिरहेको छ भने स्थानीयवासी नगरप्रति आक्रोशित हुँदै आएका छन् । स्थानीयवासी गोर्खबहादुर थापाले जनप्रतिनिधिमा जिम्मेवारी बोध नभएको बताउनुभयो ।

फोहर व्यवस्थापन नभएपछि जुम्ला सदरमुकामको मुख्य बजारमा फोहर थुप्रिन थालेको छ । धेरैजसोले पालिका र सरोकारवालाको ध्यानाकर्षण होस् भनेर मुख्य बजारमै फोहर फाल्ने गरेको बताएका छन् ।

नगरपालिकाले अहिलेसम्म डम्पिङ साइट निर्माण सम्पन्न गर्न सकेको छैन । नगरपालिकाले भने यस विषयमा केही प्रतिक्रिया दिएको छैन ।

अन्तिम अपडेट: मंसिर ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

नेत्र शाही

जुम्लामा बसेर पत्रकारिता गर्ने नेत्र शाही उज्यालोका जिल्ला सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

जुम्ला बजारमा फोहरकाे थुप्रो, मानव अधिकार आयोगको चासो

डम्पिङ साइट नहुँदा जुम्ला बजारमा फालिएको फोहरको थुप्रो

तपाईको प्रतिक्रिया