जलवायुसम्बन्धी खाेज गर्ने तीन जना वैज्ञानिकलाई भौतिक विज्ञानतर्फकाे नोबेल पुरस्कार

असोज १९, २०७८ मंगलबार १७:४४:३९ | एजेन्सी

काठमाण्डाै – भौतिक विज्ञानतर्फकाे नोबेल पुरस्कार वैज्ञानिकहरू स्यूकुरो मानाबे, क्लाउज हसलम्यान र जर्जियो पारिसीले प्राप्त गरेका छन् ।

स्विडेनको स्टकहोममा नोबेल एसेम्बलीले तीन जना वैज्ञानिकलाई संयुक्त रूपमा भाैतिक विज्ञानतर्फकाे पुरस्कार प्रदान गर्ने घोषणा गरेको हो । जलवायु परिवर्तनको भविष्यवाणी गर्न र जटिल भौतिक प्रणालीबारे बुझ्न उनीहरूले गरेका खोजका लागि सन् २०२१ को नोबेल पुरस्कार प्रदान गर्ने घोषणा गरेको बीबीसीले जनाएको छ ।

९० वर्षका मानाबे र ८९ वर्षका हसलम्यानले जलवायु परिवर्तनको परिमार्जनशीलता र जलवायुको पूर्वानुमानबारे संयुक्त खोज गरेका थिए । ७३ वर्षका वैज्ञानिक पारिसीले परमाणुदेखि ग्रहसम्म उतारचढावको अन्तरक्रियाको खोज गर्नुभएको हो ।

मानाबे र हसलम्यानलाई पुरस्कारको आधा रकम र पारिसीलाई आधा रकम दिने नोबेल एसेम्बलीले जनाएको छ । नोबेल पुरस्कार विश्वको सर्वाधिक प्रतिष्ठित र सबैभन्दा बढी धनराशि भएको पुरस्कार हो ।

गएकाे वर्ष भाैतिक विज्ञानतर्फकाे नाेबेल पुरस्कार अमेरिकी वैज्ञानिक आन्ड्रेया घेज, बेलातयका राेजर पेनराेज र जर्मनीका रिनार्ड गेनजेललाई दिइएकाे थियाे । यी तीन वैज्ञानिकलाई ब्ल्याक हाेल्सकाे बारेमा अध्ययन गरेकाेमा यस पुरस्कारबाट सम्मानित गरिएकाे थियाे । याे पुरस्कार पाउनेलाई एक स्वर्ण पदकसहित १ दशमलव १ मिलियन अमेरिकी डलर दिइन्छ ।

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्