हप्ताभरि शेयर बजार बढ्याे, काराेबार रकममा पनि सुधार

कात्तिक ११, २०७८ बिहीबार १६:२:५५ | उज्यालो सहकर्मी

काठमाण्डाै – शेयर बजार परिसूचक नेप्से आज बिहीवार १३ अङ्कले बढेको छ । नेप्से १३ दशमलव शून्य चार अङ्कले बढेर दुई हजार सात सय ८२ दशमलव १६ विन्दुमा पुगेको छ ।

आज विकास बैंक समूहको शेयर ५० अङ्कले, हाइड्रोको ६५, फाइनान्सको १३, अन्यको ४७ र माइक्रोफाइनान्स समूहको शेयर एक सय ३० अङ्कले बढेको छ । आज निर्जीवन बीमा समूहको शेयर सबैभन्दा धेरै ८७ अङ्कले घटेको छ ।

आज दुई सय २२ कम्पनीका ९२ लाख ३६ हजार कित्ता शेयर पाँच अर्ब ३९ करोड रुपैयाँमा कारोबार भएको छ ।

आज रिडी हाइड्रोपावर कम्पनीको शेयर १० प्रतिशतले बढेको छ । यस्तै मनकामना स्मार्ट लघुवित्त र हिमालयन पावरको शेयर नौ प्रतिशतभन्दा धेरैले बढेको छ । आज एनएमबी हाइब्रिड फन्डको शेयर भने तीन प्रतिशतभन्दा धेरैले घटेको छ ।

यसैबीच यो हप्ताभरि नै शेयर बजार बढेको छ । गएको बिहीवार १४ अङ्कले घटेर दुई हजार पाँच सय ५६ अङ्कमा झरेको नेप्से त्यसपछि गएको आइतवारदेखि लगातार पाँच दिन बढ्दा दुई हजार सात सय ८२ विन्दुमा आइपुगेको हो ।

यो हप्ता कारोबार रकममा पनि सुधार भएको छ । गएको हप्तासम्म कारोबार रकम तीन अर्ब पनि पुग्न नसकेकोमा यो हप्ता कारोबार रकम ५–६ अर्ब रुपैयाँसम्म पुगेको छ ।

अन्तिम अपडेट: मंसिर १४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्