भाइटीका लगाउँदा यी कुरामा ख्याल गरौं

कात्तिक २०, २०७८ शनिबार ७:३६:४९ | डा.रन्जिता फुयाँल

कोरोना संक्रमण कम भए पनि जोखिम हटेको छैन । जोखिमकै बीच दशैँ, तिहार लगायतका चाडपर्व मनाउँदैछौं । दशैँमा जस्तै तिहारमा पनि टीका लगाउँदा कोरोना संक्रमण हुन्छ कि भनेर विशेष ध्यान दिनुपर्छ ।

तिहारमा भाइटीका लगाउन जाँदा कति मान्छेसँग भेट भएको हुन्छ । अर्को कुरा घरमा त आफ्नै आफ्नै भएका कारण कोरोना नहुन सक्छ भन्ने धेरैलाई लाग्न सक्छ । तर रोगले आफ्नो अर्को भन्दैन । त्यसकारण घरमा पनि मास्क लगाउनु पर्छ । र, मास्क लगाउन हिचकिचाउनु हुँदैन ।

चाडपर्वको रमाइलो त गर्ने । तर, भिडभाड नगर्ने । सकेसम्म अलि परपर बस्ने ।

टीका लगाउँदा हातले लगाउने हुनाले त्यो बेलामा निश्चित रुपले नजिक होइन्छ । तर, त्यस बेलामा पनि मास्क लगाउने । किनकि यो कोरोना भनेको मुख अथवा नाकका माध्यमबाट सर्ने छिटो सर्ने भएकोले मास्कको प्रयोग गर्ने ।
यसो गर्दा मुख अथवा नाकबाट निस्कने छिटा अर्को व्यक्तिको नाक अथवा मुखमा पुग्न पाउँदैन र कोरोना सर्ने सम्भावना कम हुन्छ ।

सकेसम्म नजिक नजिक नहुने । नजिक हुँदा पनि मास्कको प्रयोग गर्ने । टीका लगाउँदा टाढा हुन सकिंदैन त्यसैले त्यस बेला मास्क लगाउने । अरु समयमा भौतिक दूरी कायम गर्ने ।

टीका लगाउँदा पनि साबुन पानीले हात धोएर मात्रै टीका लगाउने ।

चाड मनाउँदा पनि हामीले सावधानी अपनाएर मनाउनु पर्छ । त्यसकारण टीका लगाउँदा साबुनपानीले राम्रोसँग हात धोएर मात्र टीका लगाउने अथवा अल्कोहल भएको स्यानिटाइजर प्रयोग गर्ने । मास्कको निरन्तर प्रयोग गर्ने । भौतिक दूरी कायम गर्ने ।

कुनै पनि रोगको लागि फोहोर भनेको रोग मौलाउने ठाउँ हो । त्यसैले घर वरपर सफा गर्नुपर्छ । झिंगा, लामखुट्टे, किरा आदि नआउने गरी सफा गर्ने गर्नुपर्छ ।

र, विशेष गरी तिहारमा टीका लगाउने ठाउँलाई पनि स्यानिटाइज गर्ने गर्नुपर्छ । टीका लगाउनु अगाडि सबैजनाले साबुनपानीले राम्रोसँग हात धुने गर्नुपर्छ । सबै जनाले मास्कको उचित प्रयोग गरेर टीका सुरु गर्नु भयो भने कोरोनालाई न्यूनिकरण गर्न सकिन्छ ।

तिहारमा भाइमसला वा मिठाई बाटोमा यसै बेच्न राखेको देखिन्छ । त्यस्ता भाइमसला र मिठाइ सकिन्छ भने त्यसलाई पनि सफा गरौं । अझ सम्भव भयो भने भाइमसला आफैंले प्याक गरेर पनि दिन सकिन्छ ।
घर भित्र्याउँदा पनि राम्रोसँग सफा गरेर मात्र लैजाने गर्नुपर्छ । फूलमालामा पनि संक्रमण हुन सक्ने हुनाले सकभर १÷२ घण्टा बाहिर घाममा राख्ने गर्नुपर्छ ।

केही समय राख्दा घामको किरणले किटाणु मर्ने हुँदा सुरक्षित हुन सक्छ फूलमाला पनि ।

मिठाई पनि सकिन्छ भने आफैं बनाउने । होइन सकिंदैन भने पनि राम्रो खालको धेरै मान्छेको भिडभाड नहुने ठाउँको र राम्रो सिलप्याक मिठाई मात्र लिने गर्नुपर्छ ।

सकभर मिठाई पनि संक्रमित हातले नछोएको र पञ्जा लगाएको हातहरु प्रयोग भएको मिठाई मात्र किन्ने ।

अब धेरै पछि आफन्तसँग भेट हुने हुनाले अंकमाल गर्न पनि मन लाग्ला । तर, यसपटक भने टाढैबाट नमस्ते गरी रोगबाट जोगिनु पर्छ । यसरी हामीले विशेष सावधानी अपनायौं भने चाडपर्व पनि रमाइलो हुन्छ, कोरोनाबाट पनि सुरक्षित भइन्छ ।

अन्तिम अपडेट: मंसिर १, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्