जटही बोर्डरमा भन्सारका कर्मचारीको दादागिरी, निःशुल्क सवारी पास दिंदा खुलेआम रकम असुली

भदौ २६, २०७५ मंगलबार १६:३६:४५ | शैलेन्द्र महतो

धनुषा - धनुषाको जटही बोर्डरका कर्मचारीहरुले निःशुल्क सवारी पास वापते खुलेआम अवैध असुली गर्ने गरेको रहस्य खुलेको छ ।

भन्सारले निःशुल्क रुपमा दिने सवारीसधानको अस्थायी पैठारी अनुमति पुर्जीमा जटही छोटी कार्यालय धनुषाका कर्मचारीहरुले प्रति सवारी ५० रुपैयाँका दरले असुल्ने गरेको रहस्य खुलेको हो ।

मंगलबार सवारी पास लिन गएका धनुषाको नगराइन नगरपालिका २ बस्ने रोहितकुमार चौधरीसँग भन्सारका कर्मचारी ओपेन्द्र मण्डलले निःशुल्क सवारी पास वापत ५० रुपैयाँ लिएका थिए ।

निःशुल्क सवारी पास वापत किन ५० रुपैयाँ लिनुभएको भन्ने प्रश्नमा मण्डलले पहिलादेखि नै यस्तो नियम रहेको जवाफ दिए ।

सरकारबाट छुटपुर्जी नपाएकाले छुटपुर्जी छपाई वापत ५० रुपैयाँ लिने गरेको कर्मचारी मण्डलले स्वीकार गरेका छन् ।

त्यस नाकाबाट दिनहुँ जाने आउने सयौं सवारीसाधनबाट भन्सारका कर्मचारीहरुले जबरजस्ती तरिकाले अवैध असुली गर्ने गरेको भए पनि सम्बन्धित निकायले कुनै चासो नदिएको स्थानीयहरुको गुनासो छ ।

यता भन्सार कार्यालय जनकपुरका प्रमुख हेमचन्द्र शर्माले अवैध असुलीको कुनै नियम नरहेको बताउनुभयो । कर्मचारी मण्डलले निःशुल्क दिने पास वापत नियम भन्दै असुली गर्ने गरेको पुष्टि भए तुरन्त कार्वाही गर्ने भन्सार प्रमुख शर्माको भनाई छ ।

अन्तिम अपडेट: मंसिर २३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

शैलेन्द्र महतो

शैलेन्द्र महतो उज्यालोका धनुषा सहकर्मी हनुहुन्थ्यो।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्