‘वैयक्तिक गोपनीयताका सम्बन्धमा व्यवस्था गर्न बनेको विधेयक’ परिमार्जनसहित पारित

भदौ २८, २०७५ बिहीबार १२:४९:३१ | उज्यालो सहकर्मी

काठमाडौं – प्रतिनिधिसभा राज्य व्यवस्था तथा सुशासन समितिले ‘वैयक्तिक गोपनीयताका सम्बन्धमा व्यवस्था गर्न बनेको विधेयक’ परिमार्जनसहित पारित गरेको छ ।

समितिको बिहीबार सिंहदरबारमा बसेको बैठकले ‘वैयक्तिक गोपनीयताका सम्बन्धमा व्यवस्था गर्न बनेको विधेयक परिमार्जनसहित पारित गरेको हो । संशोधनकर्ता सांसद र सम्बन्धित निकायसँग व्यापक छलफल गरी त्यो विधेयक परिमार्जनसहित पारित गरिएको समितिकी जेष्ठ सदस्य मीना पाण्डेले जानकारी दिनुभयो ।

तर परिमार्जनसहित पारि त्यो विधेयकमा नेपाल मजदुर किसान पार्टीका सांसद प्रेम सुवालले भने फरक मत राख्नु भएको छ । जिल्लाका विभिन्न निकायमा रहेका सार्वजनिक पदधारण गरेका व्यक्तिहरुको पनि सम्पत्ति, शैक्षिक योग्यतालगायतका विवरण सार्वजनिक गर्नुपर्ने समितिमा उठेको माग सम्बोधन नभएको भन्दै उहाँले त्यो विधेयकमा फरक मत राख्नु भएको हो ।

यसअघि विधेयकमाथि उठेका प्रश्नको जवाफ दिँदै गृहमन्त्री रामबहादुर थापाले हरेक नागरिकको गोपनीयताको हकलाई सुनिश्चित हुनेगरी ल्याइएको सो विधेयकलाई अन्यथा नलिन समितिका सदस्यहरुलाई आग्रह गर्नु भएको थियो । उहाँले अपराध गर्नेहरुलाई गोपनीयताको हकको नाममा संरक्षण गर्न नदिने कानुनी व्यवस्था रहेको पनि स्मरण गराउनु भयो । नागरिकको मान, सम्मानलाई संरक्षण गर्न पनि त्यो विधेयक ल्याइएको गृहमन्त्री थापाको भनाई थियो ।

विधेयकमा सार्वजनिक पदधारण गरेका व्यक्तिको पनि गोपनीयताको हक सुनिश्चित हुने व्यवस्था गरिएको छ । बैठकमा गृहमन्त्री थापाले सार्वजनिक पदधारण गरेका व्यक्तिले अपराध गरे कारबाही गर्ने कानुनी व्यवस्था रहेकाले त्यसमा चिन्ता नगर्न पनि समितिका सदस्यहरुलाई आग्रह गर्नु भएको थियो ।

सार्वजनिक पदधारण गरेका व्यक्तिहरुको सम्पत्ति, शैक्षिक योग्यता आवश्यक्ता अनुसार सार्वजनिक गर्ने प्रावधान पनि विधेयकमा राखिएको छ ।

अन्तिम अपडेट: माघ १९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्