भिजिट भिसामा यूएई गएर काम गर्दै हुनुहुन्छ ? आवश्यक प्रक्रिया पूरा नगरे ‘डिपोर्ट’ हुनसक्छ

फागुन ११, २०७८ बुधबार १५:२७:५४ | उज्यालो सहकर्मी

काठमाण्डौ – तपाईँ भिजिट भिसामा गएर यूएईम काम गर्दै हुनुहुन्छ ? यदि गर्दै हुनुहुन्छ भने ख्याल गर्नुहोस् । भिजिट भिसामा गएर आवश्यक प्रक्रिया पूरा गरी काम गर्न थालेमा त्यहाँबाट ‘डिपोर्ट’ पनि हुन सक्नुहुन्छ ।

भिजिट भिसामा गएर काम गर्दा त्यहाँ काम थाल्नु अघि कागजात मिलाउन जरुरी हुन्छ । किनभने काम गर्ने अनुमति(लेबर परमिट) बिनै यूएईमा काम गर्नु भनेको त्यहाँको श्रम कानुनको उल्लङ्घन गर्नु हो ।

वर्क परमिट नलिई काम गरेमा तीन महिनाको जेल सजाय र १० हजार यूएई दिर्हामसम्म जरिवाना हुन सक्छ । यसका साथै त्यहाँको अदालतले देश निकालाको फैसला पनि गर्न सक्ने छ ।

यूएईको निजी क्षेत्रमा काम गर्नेहरूले त्यहाँ मानव संसाधन मन्त्रालयबाट वर्क परमिट लिन सक्छन् । पछिल्लो समय नेपालबाट यूएई भिजिट भिसामा जाने र त्यहाँ गएपछि अलपत्र पर्ने क्रम बढेको छ ।

नेपालीहरूलाई यूएईमा अलपत्र पार्ने क्रम बढेपछि नेपाल सरकारलेसमेत कडाइ गर्दै भिजिट भिसाको कारण समस्यामा पर्नेहरूको समस्या सुन्ने र कारबाही गर्ने गरी मार्सल टोलीसमेत गठन गरेको छ ।

अन्तिम अपडेट: पुस ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्