युक्रेनमा ट्रान्जिटमा रहेका २ सयभन्दा बढी नेपाली र ४४ विद्यार्थीलाई आफ्नो अवस्थाबारे जानकारी गराउन एनआरएनएको अनुरोध

फागुन १२, २०७८ बिहीबार १६:१७:३२ | उज्यालो सहकर्मी

काठमाण्डौ – युक्रेनमा थप ४४ विद्यार्थी र २ सयभन्दा धेरै नेपालीहरू ट्रान्जिटमा रहेको गैर आवासीय नेपाली सङ्घ एनआरएनएले जनाएको छ ।

सङ्घका प्रवक्ता डीबी क्षेत्रीले विज्ञप्ति जारी गर्दै सम्पर्कमा रहेका ३८ नेपाली बाहेक पनि थप ४४ जना विद्यार्थी र ट्रान्जिटमा २ सयभन्दा बढी नेपाली रहेको जानकारी प्राप्त भएको जानकारी दिनुभयो ।

रुस–युक्रेनबीच तनाव बढेपछि युक्रेनमा रहेका नेपालीलाई आफ्नो अवस्था बारे राष्ट्रिय समन्वय परिषद् युक्रेनमा जानकारी गराउन र त्यहाँको घटनाको मूल्याङ्कन गरी स्वदेश फर्कन गैर आवासीय नेपाली सङ्घले आग्रह गरेको छ ।

त्यहाँ रहेका ३८ नेपाली राष्ट्रिय समन्वय परिषद् युक्रेनको सम्पर्कमा रहेको र उनीहरू लामो समयदेखि युक्रेन मै स्थानी बसोबास गर्दै आएको सङ्घले उल्लेख गरेको छ ।

पछिल्लो घटनाक्रमका बीचमा त्यहाँ रहेका सबै नेपालीको अवस्था सकुशल रहेको र थप केही समस्या भएको भएमा पनि सङ्घले जानकारी गराउनका लागि नम्बरहरू तोकेको छ ।

युक्रेनमा राष्ट्रिय समन्वय परिषद् युक्रेनका अध्यक्ष हरि मल्ललाई ३८०९३४३४७७०० र इमेल [email protected] मा र नेपालस्थित सङ्घको सचिवालयमा ०१४४११५३० नम्बरमा सम्पर्क गर्न सङ्घले आग्रह गरेको छ ।

रुस–युक्रेनबीचको तनावलाई लिएर नेपाल सरकारले आफ्नो धारणा सार्वजनिक गर्दै युक्रेनमा विकशित पछिल्लो घटनाक्रमलाई नजिकबाट नियालिरहेको जनाएको छ । साथै तनाव नबढाउन सबै पक्षलाई अधिकतम संयमता अपनाउन पनि आग्रह गरेको छ ।

संयुक्त राष्ट्र सङ्घ सदस्य नेपालले संयुक्त राष्ट्रको बडापत्रमा उल्लेखित सार्वभौमसत्ता र क्षेत्रीय अखण्डताका सिद्धान्त सबै सदस्य देशले पूर्ण पालना र सम्मान गर्नुपर्नेमा जोड दिएको छ ।

अन्तिम अपडेट: पुस ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्