चुनावका बेला 'फेक न्युज' को कारखाना नै खुल्न सक्छ, सचेत हुनुहोस् : अध्यक्ष बस्नेत

वैशाख ६, २०७९ मंगलबार २०:२९:५६ | उज्यालो सहकर्मी

काठमाण्डौ – प्रेस काउन्सिल नेपालका अध्यक्ष बालकृष्ण बस्नेतले चुनावका बेला फेक न्युजको कारखाना नै खुल्न सक्ने बताउँदै समाचार छाप्नुअघि सचेत रहन सञ्चारकर्मीहरूलाई आग्रह गर्नुभएको छ । विभिन्न सञ्चार संस्था भन्दै स्वदेश र विदेशबाट त्यस्ता प्रायोजित समाचार बन्न सक्ने भन्दै नेपाली मिडियाले साभार गर्दा विशेष ख्याल पुर्याउनुपर्ने उहाँको सुझाव थियो ।

निर्वाचन आयोगले प्रेस काउन्सिल र नेपाल पत्रकार महासङ्घको सहकार्यमा आज मङ्गलवार आयोजना गरेको सञ्चारकर्मीहरूको एक दिने अभिमुखीकरण कार्यक्रममा अध्यक्ष बस्नेतले मिथ्या सूचना (फेक न्युज), दुयप्रचार र गलत समाचार दिनबाट जोगिनुपर्ने बताउनुभयो ।

‘चुनावका बेला दिग्भ्रमित बनाउनका लागि फेक न्युजका कारखाना खुल्न सक्छन् । कुनै समाचार संस्थाको नामबाट त्यो आउन सक्ला । हामीले हतारिएर त्यसलाई कभरेज गर्नतिर नलागौँ । आफैँले स्वतन्त्र पुष्टि गरौैँ’, उहाँले भन्नुभयो ।

उहाँले विश्वसनीयताकै कारण पत्रकारिता जगत बलियो हुने भएकाले त्यसलाई जोगाउन आफैँ जुट्न सञ्चारकर्मीहरूलाई आग्रह गर्नुभयो ।

आयोगले चुनावका क्रममा मिडियाको आचारसंहिताबारे अनुगमनको जिम्मेवारी काउन्सिललाई दिएको छ । काउन्सिलले रेडियो, टिभी, छापा, अनलाइन र सामाजिक सञ्जालको अनुगमनको काम वैशाख १ गतेदेखि नै सुरु गरिसकेको जानकारी दिँदै आचारसंहिता उल्लङ्घन गरेको पाइए तत्काल कारबाही हुने समेत उहाँले बताउनुभयो ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

चुनावका बेला 'फेक न्युज' को कारखाना नै खुल्न सक्छ, सचेत हुनुहोस् : अध्यक्ष बस्नेत

फाइल फाेटाे

तपाईको प्रतिक्रिया