वीरगञ्ज महानगरकाे मेयरमा ११ जनाको उम्मेदवारी

वैशाख ११, २०७९ आइतबार १९:४७:९ | उज्यालो सहकर्मी

पर्सा – वीरगञ्ज महानगरपालिकाको मेयरमा आज आइतवार ११ जनाको उम्मेदवारी परेको छ । ११ मध्ये नाै जना स्वतन्त्र उम्मेदवार रहेका मुख्य निर्वाचन अधिकृतको कार्यालयले जनाएकाे छ ।

पार्टीका तर्फबाट उम्मेदवारी दिनेमा नेपाल मजदुर किसान पार्टीका गोकर्णप्रसाद कोइरी र नेपाल सद्भावना पार्टीका विजयकुमार रौनीयार हुनुहुन्छ ।

स्वतन्त्र उम्मेदवारमा युवाको बाहुल्यता देखिएको छ । २२ वर्षीय विकासराज पटेल, २४ वर्षीय युवा फिरोज आलम र राधेश्याम साह, २५ वर्षीय सगिर अली, ३२ वर्षीय कैलाश प्रसाद, ३३ वर्षीय संजीव यादवले मेयर पदमा उम्मेदवारी दर्ता गराउनु भएको छ । त्यस्तै ६४ वर्षीय सेवा निवृत्त शिक्षक राजेन्द्र सिंह भूमिहारले पनि स्वतन्त्र उम्मेदवारी दर्ता गराउनु भएको छ ।

यसैगरी पर्साको पकाहा मैनपुर गाउँपालिका अध्यक्षका लागि तीन जनाले उम्मेदवारी दर्ता गराएका निर्वाचन अधिकृत कृष्णप्रसाद देवकोटाले जानकारी दिनुभयो ।

जगरनाथपुर गाउँपालिकामा जनता सामाजवादीको तर्फबाट अध्यक्षमा कृष्ण मोहन यादवको प्यानलसहितको उम्मेदवारी दर्ता भएको छ ।

जनमत पार्टीका तर्फबाट पनि डा. चन्दन चौहानको नेतृत्वमा प्यानलकै उम्मेदवारी परेको निर्वाचन आयुक्त चिन्तामणि शर्माले जानकारी दिनुभयो ।

सखुवा प्रसौनी गाउँपालिकाको अध्यक्षमा सात जनाको उम्मेदवारी परेको छ ।

विन्ध्यवासीनी गाउँपालिका अध्यक्षमा लोकतान्त्रिक समाजवादी पार्टीका तर्फबाट प्रमोद तिवारीको प्यानलसहितको उम्मेदवारी दर्ता भएको छ ।

जनता समाजवादी पार्टीको तर्फबाट निर्वतमान अध्यक्ष श्रीलाल साह कानुको प्यानलको उम्मेदवारी दर्ता भएको भएकाे छ ।

पोखरिया नगरपालिकामा राप्रपाबाट मेयरमा जीवनज्योति पासवान नेपाल सुशासन पार्टीको तर्फबाट मेयरमा शंकर राउत अहिर, स्वतन्त्रमा धर्मराज यादव, उपमेयरमा विणादेवी र जयकुमार रजकसहित सात वडाध्यक्ष गरी ३५ जनाको उम्मेदवारी परेको छ ।

ठोरी गाउँपालिकाकाे अध्यक्षमा नेकपा एकीकृत समाजवादी पार्टीका तर्फबाट गंगाबहादुर खड्काको उम्मेदवारी दर्ता भएको मुख्य निर्वाचन अधिकृतकाे कार्यालयले जनाएकाे छ ।

अन्तिम अपडेट: पुस २५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्